Iguanid

Los iguanids (Iguanidae) o igüanas fòrman una familha de reptils mièg-arboricòlas, terrèstres o marins, que se noirisson de vegetals e d'insèctes.

Lo tèrme d'Iguanids deriva del nom vernacular igüana el meteis eissit de l'Arawak, del taino o alara del goaxiro. Se seriá impausat en occitan via lo francés via l'italian^[1].

Classificacion[modificar | Modificar lo còdi]

Aquesta familha compren a l'origina de genres e espècias fòrça nombroses. D'estudis menats per Frost e al. en 1989 e 2001 an afinat lo decopatge d'aquela familha, en reduisent significativament lo nombre de genres incluses. Los autres genres son estats desplaçats dins de familhas separadas (Crotaphytidae, Hoplocercidae, Opluridae, Phrynosomatidae, Polychrotidae, Tropiduridae). Aquesta organizacion novèla es mai o mens acceptada segon los autors. D'unes contunhan doncas d'utilizar la classificacion anciana e aquesta familha pòt doncas èsser presentada amb mai de genres.
Per d'unes autors aquestas familhas son consideradas coma de sosfamilas dels Iguanids, que pòrtan los meteisses noms mas amb una terminason en -nae al luòc de -dae (Crotaphytinae, Hoplocercinae, Oplurinae, Phrynosomatinae, Polychrotinae, Tropidurinae). Dins aquestas classificacions los genres çaijós son doncas acampats dins la familha dels Iguanids e la sosfamilha dels Iguaninae.

Schulte e al. a estudiat en 2003 las relacion filogeneticas entre un grand nombre de genres d'Iguanidae (mas pas totes) çò qu'a conduch a construire un arbre de relacion filogenetica que descrivon la proximitat genetica d'aquestes genres (vejatz aqueste arbre PDF sul site de TIGR Reptile Database).

Caracteristicas[modificar | Modificar lo còdi]

Reparticion geografica[modificar | Modificar lo còdi]

Los Iguanidae se rencontran principalament sul continent american, tant plan al nòrd coma al sud, e mai sus d'illas avesinantas nombrosas.

Son principalament de vegetarians quitament se se noirisson de còps de pichons invertebrats.

Taxonomia[modificar | Modificar lo còdi]

Lista dels genres[modificar | Modificar lo còdi]

genre Amblyrhynchus Bell, 1825 - 1 espècia a las illas Galapagos
genre †Armandisaurus (atudat)
genre Brachylophus Cuvier, 1829 - 2 espècias a Vanuatu e a las Fiji
genre Conolophus Fitzinger, 1843 - 2 espècias a las illas Galapagos
genre Ctenosaura Wiegmann, 1828 - 14 espècias en America del Nòrd e centrala
genre Cyclura Harlan, 1825 - 10 espècias a las Antilhas
genre Dipsosaurus Hallowell, 1854 - 1 espècia en America del Nòrd
genre Iguana Laurenti, 1768 - 2 espècias en America Centrala e del Sud e a las Antilhas
genre †Lapitiguana (atudat)
genre †Pumila (atudat)
genre Sauromalus Duméril, 1856 - 6 espècias en America del Nòrd