Hot-dog
Lo hot-dog (var. hòt-dòg[1]) es un tipe d'entrepan compausat d'un pan alongat garnit d'una saussissa cuecha. La saussissa es generalament una saussissa de Francfòrt ò una saussissa de Viena. Es acompanhada per d'ingredients e de condiments variats (ketchup, mostarda, cebas...).
Lo hot-dog es probablament aparegut durant la segonda mitat dau sègle XIX dins lei quartiers poblats per d'imigrants alemands. L'autor precís de son invencion es desconegut mai Charles Feltman (1841-1910), un fornier installat en Brooklyn, es sovent citat car foguèt a l'origina de la popularitat dau plat. D'efiech, en 1867, aguèt l'idèa de fabricar un carri mobil que li permetiá de grilhar de saussisas qu'èran vendudas dins un pan. Quatre ans pus tard, venguèt proprietari d'un restaurant, lo Feltman's Ocean Pavilion, que foguèt un important succès. A sa mòrt, en 1910, èra lo cap de nòu restaurants que preparavan 40 000 hot-dogs venduts cada jorn[2]. Aqueu succès entraïnèt l'aparicion de concurrents, especialament lei restaurants Nathan's Famous fondats per Nathan Handwerker (1892-1974). Puei, l'influéncia internacionala deis Estats Units favorizèt la difusion dau hot-dog dins lo rèsta dau mond. Aqueu procès entraïnèt l'aparicion de mai d'una varianta.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (en) John A. Jakle e Keith A. Sculle, Fast Food, The Johns Hopkins University Press, 1999.