Guilhaume VI d'Auvèrnha
| Biografia | |
|---|---|
| Naissença | 1069  |
| Mòrt | 1136 (Gregorian) (66/67 ans) |
| Donadas personalas | |
| Autres | |
| Conjunt | Emma d'Altavilla (ca)  (1087 (Gregorian)–) |
| Descendéncia | Robert III d'Alvèrnia (ca) , Guillem IX d'Alvèrnia (ca) |
| Maire | Judith de Melgueil (en) |
| Paire | Robert II d'Alvèrnia (ca) |
|
Guilhaume VI
| |
|---|---|
 | |
| Viala de Montferrand, bastida e fortifiada per Guilhaume VI d'Auvèrnha. Montferrand dins l'Armoriau d'Auvèrnha de Guilhaume Revèl, 1450. | |
| Biografia | |
| Naissença | a l'entorn de 1069 |
| Decès | 1136 |
| País: | França |
| Epòca: | Moien Atge - |
| Conjunta: | Emma de Hauteville (a partir de 1087) |
| Davancièr: | Robèrt II d'Auvèrnha |
| Successor: | Robèrt III d'Auvèrnha |
Guilhaume VI, (naissit a l'entorn de 1069, mòrt en 1136) es comte d'Auvèrnha après 1095. Après aveire participat a la promèira crosada, Guilhaume vai entrar en conflict embei le rei de França, son vesin septentrionau, e coma aquò èstre le promèir vassau auvernhat a afrontar son sobeiran durant las promèiras intervencions dau rei de França dins de territòris mai meridionaus.
Aquel contèxte de conflict vei tanben per le comte d'Auvèrnha, un besonh de fortifiar e de bastir de plaças fòrtas per controtlar e protegir le territòri auvernhat ; d'aquel biais, Guilhaume VI vai fondar la viala de Montfarrand que dempuèi sa naissença se vòl èstre una plaça-fòrta rivala de la viala vesina de Clermont, viala de l'avesque.
Biografia[modificar | Modificar lo còdi]
Es le filh de Robèrt II, comte d'Auvèrnha e de Gévaudan, e de sa segonda esposa, Judith de Melgueil.
La crosada[modificar | Modificar lo còdi]
L'an 1102, portèt en Tèrra-Senta l'elita de la noblesa auvernhata : Le baron de la Tor, Joan de Murat, Arnaud de Apchon, etc. Rejonhèron Raimond de Sant-Gilles e faguèron embei se le sètge de Tripoli.
Sas armas, "d'aur au gonfanon de caras franjat de sinople", son demoradas aquelas d'Auvèrnha.
La guèrra contra le rei de França[modificar | Modificar lo còdi]
.jpg)
Un còp tornat en Auvèrnha, faguèt fortifiar Montferrand, viala de sa creacion, embei la tòca de dispausar d'una plaça fòrta contra Aimeri, avesque de Clarmont. Las violenças repetidas qu'exerciguèt en 1122 contra le clerjat clarmondaire decidiguèron aqueste a sonar le rei Lòis VI le Gròs, que reüniguèt una armada « per venjar sobre los Auvernhats l'insulta faita a la Glèisa », segon Suger. L'armada reiala escharvalhèt la Limanha, prenguèt Pont dau Chastèl e investiguèt Clarmont, çò qu'obligèt Guilhaume a tornar çò qu'aviá prés.
Quatre ans mai tard, la querèla embei l'avesque ajant represa, le rei de França Lòis VI venguèt assetjar Montferrand, mas l'armada dau duc d'Aquitània, Guilhaume IX, suzerain de Guilhaume d'Auvèrnha, se portèt a son secors. Le grand nombre de sodards de l'armada francesa faguèt pèrdre de son assegurança a l'armada aquitana e forcèt a menar de negociacions. Las chausas s'asiguèron dins le respèct dau dreit feudau, le duc fasant alegença au rei, son sobeiran, per las tèrras de son vassau le comte d'Auvèrnha. Aqueste fondèt le priorat de Chavanon a l'entorn de 1130.
Guilhaume VI se maridèt embei Emma, filha de Roger Ier de Sicile e de Judith d'Évreux. Es le paire de Robèrt III e de Guilhaume VIII, que venguèron tots dos comtes d'Auvèrnha, le segond ajant despolhat son nebot de la succession dau promèir.
Sorsas bibliograficas[modificar | Modificar lo còdi]
- Estève Baluze, Istòria genealogica de la maison d'Auvèrna. 1708. Lira en linha : Tòm 1, Tòm 2.
- Yves Carrias, Chavalèirs crosats d'Auvèrnha, taula eraldica. Prefaça de Jean-Guy Micolon de Guérines, president de l'associacion de recherchas genealogicas e istoricas d'Auvèrnha, 2009, Edicions Créer, Clarmont. (òbra que compòrta d'anacronismes e d'errors).
Veire tanben[modificar | Modificar lo còdi]
Articles connèxes[modificar | Modificar lo còdi]
- Montferrand (viala rivala de Clarmont creada per Guilhaume VI).
