Guèrra Francotailandesa
|
||||||||||||
|---|---|---|---|---|---|---|---|---|---|---|---|---|
La Guèrra Francotailandesa se debanèt d'octòbre de 1940 a mai de 1941 entre l'Estat francés de Vichy e Tailàndia. Foguèt entraïnada per la volontat de Tailàndia de rectificar a son profiech sa frontiera ambé l'Indochina Francesa. Pasmens, en causa dei dificultats de progression e d'una desfacha navala a Ko Chang, lei Tailandés foguèron blocats. Japon, que son objectiu èra de prepapar una aliança ambé Tailàndia avans l'entraïnament de la Guèrra dau Pacific còntra leis Aliats, aprofichèt donc la situacion per prepausar e impausar una mediacion favorabla ai Tailandés.
La resolucion dau conflicte foguèt un succès per la diplomàcia japonesa car Tailàndia acceptèt de signar un tractat d'aliança ambé Japon puei, durant la Segonda Guèrra Mondiala, de declarar la guèrra ais Aliats. Pasmens, en causa de la desfacha de l'Axe, Tailàndia deguèt finalament restituir lei territòris conquists ai Francés en novembre de 1947.
