Grand Prèmi dau Midi Libre

Un article de Wikipèdia, l'enciclopèdia liura.
Anar a : navigacion, Recercar

Lo Grand Prèmi dau Midi Libre, istoricament organizat per lo jornau dau meme nom, es una espròva ciclista anciana. Lo Midi Libre siguèt suprimit en 2003 fauta de mejans. Aquela espròva si debanava avant lo Criterium dau Dauphiné Libéré en preparacion au Torn de França ciclista. Lo Midi Libre èra una espròva de montanha mejana per permetre ai correires de s'alestir en doçor per lo Torn de França. En 2004, i aguèt una temptativa de reabilitacion sota lo nom de Torn de Lengadòc-Rosselhon, mai siguèt suprimit de nòu fauta de mejans.

Lei ciclistas mai grands ganhèron aquela espròva coma Raphaël Géminiani (Rafaèl Geminiani), Luis Ocaña, Eddy Merckx, Raymond Poulidor (Raimond Polidor), Miguel Indurain, Laurent Jalabert (Laurenç Jalabèrt) e Lance Armstrong. Jean-René Bernaudeau l'averèt quatre còups consecutius au començament deis ans 1980. Tres correires averèron lo Torn de França après sa victòria dins lo Grand Prèmi dau Midi Libre : Eddy Merckx en 1971, Miguel Indurain en 1995 e Lance Armstrong en 2002.