Goa
|
||||||||||||
|---|---|---|---|---|---|---|---|---|---|---|---|---|
.svg) Estat de Goa |
||||||||||||
| País |  Índia |
|||||||||||
| Estatut | Estat d'Índia | |||||||||||
| Capitala | Panaji | |||||||||||
| Lengas | ||||||||||||
| Superfícia · Totala · % Índia |
Classat en km² % |
|||||||||||
| Populacion · Totala () · % Índia |
Classat en hab. % |
|||||||||||
| Densitat | ||||||||||||
| Alfabetizacion (2001) | Classat en | |||||||||||
| ensemble | % | |||||||||||
| òmes | % | |||||||||||
| femnas | % | |||||||||||
Goa es un Estat d'Índia, situat sus la còsta sud oèst. La region foguèt una part de las colonias portuguesas d’Índia, formant amb Daman e Diu e laadra e Nagar Haveli, l’Estat Portugués de l'Índia. La capitala regionala es Panaji o Panjim. Aprèp 450 ans de preséncia portuguesa, Goa foguèt tornat pres per las tropas indianas jos Jawaharlal Nehru lo 19 de decembre de 1961. Separat de Daman e Diu e de Dadra e Nagar Haveli que demorèron territòris, Goa venguèt Estat de l'Union lo 30 de mai de 1987.
Somari |
Istòria [modificar]
Article detalhat : Istòria de Goa.Geografia [modificar]
L'Estat de Goa s'estend sus 3702 km² entre 14° 53' 54" e 15° 48' 00" de latitud nòrd e 73° 40' 33" e 74° 20' 13" de longitud èst. L'Estat es ribejat per la mar d'Arabia sus 101 km. Goa bòrda l'Estat del Maharashtra al Nòrd e l'Estat del Karnataka al Sud e a l'Èst.
Lo Sonsogor es lo ponch mai naut amb 1167 m.
L'Estat es devesit en dos districtes, Nòrd Goa et Sud Goa.
Clima [modificar]
Es tropical : fa caud tota l'annada a Goa, i a pas de sason freda. Las temperaturas pus nautas son relevadas en mai (maximalas entre 30 °C e 39 °C) amb una umiditat fòrça granda. La monson tomba entre junh e setembre. Los meses pus agradables son decembre e genièr amb de temperaturas entre 20 °C minimum e 30 °C maximum sus la còsta.
Economia [modificar]
Lo torisme es la principala font de revengut de Goa. De toristas del monde entièr venon profeitar de las plajas ensolelhadas. Los Indians tanben i demòran per escapar a la calor de l'estiu. L'industria toristica es subretot presenta lo long de la còsta, son importància es pus limitada a l'interior de las tèrras.
Entre d'autras activitats, se pòt remarcar l'expleitacion minièra (fèrre, baucita, manganès...), la pesca, las conservariás e las destillariás d'alcòl.
Lo ris es la principala planta cultivada a Goa; puèi venon la notz de cajo e la notz de cocò. L'agricultura balha encara de trabalh a una granda partida de la populacion e mai que siá en diminucion.
La pesca emplega 40 000 personas.
Torisme [modificar]
En mai de sas plajas idillicas, fòrça excurcions toristicas son possiblas a Goa : glèisas dels sègles XVI e XVI, en particular la Basilica del Bon Jèsus de Goa. Dins las tèrras : risièras. Al Sud, selvas verges e cascadas.
