Gòrgas de Verdon
Un article de Wikipèdia, l'enciclopèdia liura.
Lei Gòrgas de Verdon (lei Gorgo de Verdoun segon la nòrma mistralenca e Gorges du Verdon en francés)
son un ensems de gòrgas cavadas per lo riu de Verdon, en Provença (Occitània), entre lei departaments deis Aups d'Auta Provença e de Var.
Lei gòrgas de Verdon constituisson sus 50 km, la frontiera entre lei departaments de Var au Sud e deis Aups d'Auta Provença au Nòrd, de Castelana au lac de Santa Crotz. Se devesisson en tres parts desparieras :
- lei Pregòrgas que van de Castelana a Pònt de Solèus ;
- lei Gòrgas que van de Pònt de Solèus a l’Embut ;
- la Clusa que va de l’Embut au Pònt de Galetas.
Lei Gòrgas de Verdon son estrechas e prigondas : de 250 a 700 mètres de fonsor, per 6 a 100 mètres de larg au nivèu de la ribiera de Verdon, e 200 a 1500 mètres d’un versant a l’autre au som dei gòrgas. Son lei gòrgas pus prigondas d'Euròpa.
