Frédéric Chopin

Un article de Wikipèdia, l'enciclopèdia liura.
Anar a : navigacion, Recercar
exemple de tèxte
Frédéric Chopin
Chopin, 1835
Profession: compositor, pianista
País: 50px Ducat de Varsovia (uei Polonha)
Estil: Romantic
Data de neishença: 1 de març de 1810
Lòc de neishença: Żelazowa Wola, Ducat de Varsòvia
Data de decès: 17 d'octobre de 1849
Lòc de decès: París, França

Frédéric Chopin (Żelazowa Wola, lo 1 de març de 1810 - París, 17 d'octorbre de 1849) que ho un deus compositors romantics màger e tanben un deus pianistas màgers deu son temps. Qu'èra polonés e tanben d'origina francesa e que viscó mantuas annadas en França on establí ua pregonda e passionada amistat vaduda famosa dab l'escrivana George Sand.

Vita[modificar | modificar la font]

Ostau nadau de Chopin a Żelazowa Wola

Que neishó au ras de Varsòvia d'ua mair polonesa e d'un pair francés de Lorena expatriat. Eth medish que viscó en França dab lo son nom e los sons documents francés, a maugrat deu son patriotisme polonés, per'mor de l'ocupacion Russa. Que comencè a compausar quan èra mainatge abans d'apregondir los sons estudis au Conservatòri de Varsòvia. En 1829 que dè lo son purmèr gran concèrt a Viena en bèth interpretar variacions de las soas que vadoren lo son Opus 2 qui horen laudadas per Robert Schuman en bèth titolar Chopin de l'epitèt d'engeni.

Arron la soa huèita de Polonha per'mor de l'invasion russa, que s'exiliè en França e que dè lo son purmèr concèrt a París en 1832 e lèu que vadó ua custòdia deus salons, on e's he l'amic d'autes compositors com Franz Liszt.

En musica que contribuè d'un biais determinant dens l'elaboracion deu repertòri deu piano solo associant per tostemps lo son nom a genres com la mazurka, la valsa (per piano), lo nocturne, la polonesa, l'estudi per piano, l'impromptu e lo preludi.

En 1838, entà suenhar la soa la tuberculòsi, que viatgè a Malhorca dab George Sand ; que hon ostalats dens lo mostièr chartrós de Valldemosa on Chopin e compausè preludis.

Que's morí aus 39 ans a París de la tuberculòsi e qu'ei sepelit dens lo cemitèri deu Père Lachaise (desseparat deu son còr qui ho miat e conservat en Polonha).

Òbras[modificar | modificar la font]

Extrèits[modificar | modificar la font]

Gnome-speakernotes.svg
Ballade en Lab M Op. 47, interpretada Martha Goldstein (info)
De problèmas per escotar lo fichièr ? Ajudatz-me
Gnome-speakernotes.svg
Marcha funebra, Sib m (1826), extrèita de la Sonata no. 2 (info)
De problèmas per escotar lo fichièr ? Ajudatz-me