Erupcion minoïca
L’erupcion minoïca designa l'explosion, pendent lo millenari II AbC.]], del volcan de Santorin e l'enfonsament de sa partida centrala, avent donat naissença a la caldeira actuala e de las illas de Santorin, Thirassia e Aspronissi.
Somari |
[modificar] Datacion
La data precisa de l'erupcion es pas fixada, tradicionament se passèt vèrs -1550, segon un estudi comparat dels estils de ceramica, que foguèt discutada amb l'utilizacion de metòdes novèls (carbòni 14, dendrocronologia) que indican de datas mai ancianas. Lo periòde uèi retenguda coma mai probable se situa entre -1627 e -1600, pasmens sens certitud[1]. L'erupcion en daissant des traças dins una partida del bacin mediterranèu, confirmar aquelas datacions implicariá de modificar las cronologias relativas de las civilizacions de la region. Atal se trapa de rèstes de l'erupcion e de descai marins dels tsunamis dins los sites arqueologics de tot l'èst de las ribas de la Mediterranèa, çò qui fornís una jaça estratigrafica de referéncia.
[modificar] Consequéncias
La catastròfa provoquèt un gigantesc tsunami que traversèt la l'ensemble de la mar Mediterranèa [2].Per exemple, pel mens tres ondas de mar successivas d'una vingtana de mètres de naut dintrèron sus de centenas de mètres dedins Creta[3].
L'indici d'explosivitat volcanica es estimat entre 6 e 7 (densitat equivalenta de ròca = 60 km3), l'erupcion foguèt mai importanta que çò que pensem pendent longtemps [4],[5].
[modificar] Efèctes sul monde egèu
L'erupcion destruguèt lo pòst avançat de la cultura minoïca qu'existissiá a l'epòca sus l'illa e en Creta e que se tornèt trobar las roïnas sul site d'Akrotiri dins l'illa de Santorin. La vila de Knossos, dins las tèrras, foguèt estalviada.
La teoria que la catastròfa auriá provocat la destruccion de la civilizacion minoïca, defenduda entre autre par Marinatos, es uèi abandonada, mas las consequéncias indirèctas de l'erupcion e lo efèits segondaris sus las civilizacions de la region son totjorn disputada.[6].
Segon Marinatos e mai cercaires, l'erupcion es una de las originas possiblas del mite de l'Atlantida. Segon qualques cercaires, poiriá èsser a l'origina de las dètz plagas d'Egipte. Aquelas ipotèsis fan pasmens pas l'unanimitat. L'impacte global, e en particular climatic, de l'erupcion son evaluadas amb mai de nuanças e mesuradas[7],[8].
[modificar] Referéncia
- ↑ (fr)R.Treil et al, Les civilisations égéennes, p.296
- ↑ "Faucounau" (fr)J. Faucounau, Les Peuples de la Mer et leur histoire, L'Harmattan, Paris, 2003.
- ↑ id "Faucounau"
- ↑ (en)« Santorini eruption much larger than originally believed » (August 23, 2006). Retrieved on 2007-03-10.
- ↑ (en)
[pdf] F.W.McCoy, S.E. Dunn, « Modelling the Climatic Effects of the LBA Eruption of Thera: New Calculations of Tephra Volumes May Suggest a Significantly Larger Eruption than Previously Reported », Chapman Conference on Volcanism and the Earth's Atmosphere Lire en ligne, American Geographical Union, 2002 - ↑ (fr)R. Dalongeville, « Malia : un marais parle », B.C.H., 125-1. 2001, p. 67-88 Lire en ligne
- ↑ (en)D.M.Pyle, « The global impact of the Minoan eruption of Santorini, Greece », Environmental Geology, 30, 1-2, 1997, pp. 59-61Lire en ligne
- ↑ (en)J. Grattan, « Aspects of Armageddon : An exploration of the role of volcanic eruptions in human history and civilization », Quaternary International, 151, 2006, pp. 10-18
