Creacion segon la Genèsi

Un article de Wikipèdia, l'enciclopèdia liura.
Anar a : navigacion, Recercar
Jardin de l'Edèn

La Creacion segon la Genèsi es lo mite biblic de la creacion del mond e de l'òme dels dos primèrs capítols del libre biblic de la Genèsi, que conta dos recits de la Creacion diferenciats per la cronologia dels fachs.

Primièr recit[modificar | modificar la font]

Dins lo primièr recit se crèa lo mond en sèt jorns e dins aquel òrdre: Lutz, Firmament, Planetas, Peises, Aucèls, Reptils, Bèstias e fin finala l'Òme, mascle e feme. Aquela cronologia sembla fòrça a aquela l'Evolucion, es pas per azard mas per la rason que lo narrator imagina que la creacion se produguèt dempuèi lo mai simple qu'es la matèria, al mai complèxe que seriá l'òme. Lo recit s'acaba amb la creacion de l'espècia umana, sens distincion de sèxe, insistissent disent « mascle e feme los creèt ». Es a dire, l'òme e la femna foguèron creats ensems, en egalitat de condicions e sens far de distincion nimai privilègi de l'un sus l'autre.

  • Lo Primièr jorn: Dieu creèt la lutz ("Que se faga la lutz!") Dieu devesiguèt la lutz del fosc, e lo "jorn" de la "nuèch".
  • Lo Segond jorn: Dieu creèt lo firmament ("Qu'i aja un firmament...!") e devedir las aigas d'en dessús de las aigas d'en dejós. Lo firmament se nomenèt "cèl".
  • Lo Tresen jorn: Dieu ordonèt que las aigas d'en dejós s'amassen en un sol luòc, e la tèrra fèrma apareguèt. "Tèrra" e "mar" se diràn. Dieu ordona a la tèrra produzca d'èrba verda, las plantas e los arbres fruchièrs.
  • Lo Quatren jorn: Dieu creèt las luces dins lo firmament per separar la lutz del fosc e per marcar los jorns, sasons e ans. Doas grandas luces foguèron creadas (benlèu lo solelh e la luna), e las estralas.
  • Lo Cinquen jorn: Dieu ordonèt a la mar "que produzca de creaturas que s'i mògan", e los aucèls per volar pels cèls. Creèt aucèls e las creaturas de la mar, e los demanda que sián feconds e que se multipliquen.
  • Lo Sieisen jorn: Dieu ordonèt la tèrra de crear d'èssers vivents; bèstias salvatjas, animals e reptils. En seguida, creèt l'Òme e la Femna al seu "imatge" e "semblança". Lor diguèt "siatz feconds, e multiplicatz vos, e emplenatz la tèrra e sotmetètz la.". La totalitat de la creacion es descricha per Dieu coma "fòrça bona".
  • Lo Seten jorn: Dieu, après aver acabat los cèls e la tèrra, se repausèt de la seuna òbra, e benesiquèt e santifiquèt lo seten jorn.

Segond recit[modificar | modificar la font]

Dins Genèsi 2,4 i a lo segond recit, diferent del primièr. Dieu crèa d'en primièr l'òme a partir de la fanga. Après construguèt lo Jardin de l'Edèn per que l'òme i visca. Mai tard se preocupèt qu' « èra pas bon que l'òme siá sol », alara, creèt los animals e los presentèt davant d'Adam per veire si entre eles i a un adaptat per li far companhiá. Coma trobèt pas, Dieu endormís Adam, li tira una costèla e amb aquela creèt Èva. Aquel recit es totalament diferent del primièr, considèra que la femna foguèt creada per servir de companhiá a l'òme, creada après l'òme e los animals.

Començament[modificar | modificar la font]

  • Genèsi 2:4 - "Atal foguèron las origenas del cèl e de la tèrra quan foguèron creats. Quand lo Senhor-Dieu faguèt la tèrra e lo cèl."
  • Genèsi 2:5-6 - "i aviá pas cap de mata ni aviá nascut l'èrba, perque lo Senhor Dieu encara aviá pas fach ploure, ni existissiá cap d'óme que pòsca cultivar los camps. Mas de la tèrra sordèt una umitat qu'assaguèt tota la superfía del sol".

Creacion de l'òme[modificar | modificar la font]

  • Genèsi 2:7 - "Alara lo Senhor-Dieu modelèt l'òme amb de polvera de la tèrra. Li insuflèt lo buf de la vida, e l'òm foguèt cambiat en un èsser vivent"
  • Genèsi 2:8-9 - "Après lo Senhor plantèt un jardin a l'Edèn e i placèt l'òme qu'aviá modelat... Al mièg del jardin i faguèt naisser l'arbre de la vida e l'arbre de la coneissença del ben e del mal."
  • Genèsi 2:16 - "E li donèt aquel comandament: Pòdes manjar de fruchs de totes los arbres del jardin. Mas menges pas del fruch de l'arbre de la coneissença del ben e del mal, perque lo jorn que ne manjas, seràs segur que moriràs".

Creacion dels animals[modificar | modificar la font]

  • Genèsi 2:18-19 - "Alara lo Senhor-Dieu se diguèt: Es pas bon que l'òme que demore sol. Li farà una ajuda que li faga companhià . Lo Senhor-Dieu modelèt amb de tèrra totes los animals ferestièrs e totes los aucèls, e los presentèt a l'òme..."

Creacion de la femna[modificar | modificar la font]

  • Genèsi 2:21 - "Alara lo Senhor-Dieu faguèt caire l'òme dins un sòm prigond... prenguèt una de las seunas costèlas...De la costèla... ne faguèt la femna..."
  • Genèsi 2:25 - "L'òme e la seuna femna èran denudats sens sentir la vergonha".

Vejatz tanben[modificar | modificar la font]