Constantinòple
|
||||||||||||
|---|---|---|---|---|---|---|---|---|---|---|---|---|
| nomenat d'aprèst | Constantin I lo Grand | |||||||||||
 |
Wikimedia Commons prepausa de documents multimèdia liures sus Constantinòple. | |||||||||||
Constantinòple (del latin: Constantinopolis, adaptacion del grèc ancian: Κωνσταντινούπολις = Kônstantinoupolis, valent a dire "Vila de Constantin", en turc abans 1930: Konstantinopolis, Konstantiniyye) es lo nom que portèt la vila actuala d'Istambol entre 330 ap. JC e 1930 ap. JC., quand èra una de las capitalas de l'Empèri Roman tardiu puèi la capitala de l'Empèri Bizantin, puèi, après 1453, de l'Empèri Otoman.
Abans 330 ap. JC se disiá Bizanci. Los tres noms son de còps mesclats dins l'usatge: aital l'Empèri Roman d'Orient se ditz Empèri Bizantin.
En occitan e dins la màger part de las lengas del Mond, la vila a pres lo nom general d'Istambol en 1930 en seguida d'una decision de l'estat turc (en turc: İstanbul), mas lo nom de Constantinòple contunha de s'utilizar dins l'usatge de la Glèisa Ortodòxa, que ten son sèti internacional dins aquela vila. Atal se parla del "Patriarca de Constantinòple". (En lenga grèga, per contra, lo nom de Κωνσταντινούπολη = Konstantinoupoli rèsta lo sol que s'emplega per totes los usatges modèrnes.)
