Colomba de la patz

Un article de Wikipèdia, l'enciclopèdia liura.
Anar a : navigacion, Recercar
La colomba de la patz
Colomba de la patz de Carlos Latuff

La colomba de la patz es un emblèma que representa la patz amb una colomba e un ram d'olivièr al bèc. Lo simbòl s'enrasiga dins la cultura mediterranèa, mejans las tradicions josièva, cristiana e islàmica e la cultura grecoromana. La quita branca d'olivièr, coma simbòl de la victòria e de la patz que li succedís, se tròba èsser un motiu allegoric e contunha d'esser utilizat dins las arts e dins lo logotipe de qualques d'organizacions pacifistas.

Originas[modificar | modificar la font]

La legenda biblica[modificar | modificar la font]

L'origina biblica del motiu es la legenda del deluvi universal e de l'Arca de Noé contada dins lo libre de la Genèsi.[1] Segon la legenda, al començament dels temps, lo mal dels òmes provoquèt la colèra de Dieu, que decidiguèt d'exterminar gaireben tota la vida sus la tèrra, levat los animals e la familha de Noé, la sola que Li auriá mostrat fidelitat. Dieu advertiguèt Noè que bastigue una arca per preservar de la destruccion la seuna familha e un parelh de cada animal pur. Alara Dieu faguèt plóure tan sus la Tèrra que demorèron cobèrtas totas las montannhas e moriguèron totes los animals e los èssers umans qu'èran pas dins l'arca de Noé.

Aprés de quaranta jorns Noé obriguèt una fenèstra de l'arca e daissèt s'enlairar una colomba perque verifiqua en quinas condicions demorava la tèrra après l'eveniment. Acabats sèt jorns, tornèt la colomba, portant al seu bèc una branca verda d'olivièr, çò que significava que l'inondacion ja aviá passat e que los arbres començavan a créisser. La colomba e la branca èran lo senhal de que lo Dieu biblic èra en patz amb l'umanitat, e que alara podavan desbarcar, A la fin del recit, Dieu creèt l'Arc de Sant Martin coma simbòl del tractat de patz entre El e l'òme, coma pròva del seu compromés que jamai tornarà a destruir la tèrra.[1]

La branca d'olivièr dins la tradicion grecoromana[modificar | modificar la font]

D'un autre costat, la tradicion grèga tanben considèra las brancas d'olivièr coma simbòl de patz. La planta èra considerada sagrada de l'anciana divessa de la saviesa, Atena. Dins la mitologia grèga, Atena combatèt amb Poseidon per la ciutat d'Atenas. Poseidon creèt una font d'aiga e Atena plantèt un olivièr a costat de la font. La cort divina decidiguèt qu'Atena aviá guanhat perque agradèt la dona melhora per la ciutat.[2] Èra un dels atributs d'Eirenèa, la divesa de la patz.[3][4] Tanben èra estampada sus las monedas de l'Empèri Roman.[5] L'escrivan latin Virgili associava l' oliva grassa amb la divessa Pax, l'equivalent roman d'Eirenèa, e utiliza la branca d'olivièr coma simbòl de patz dins l'Eneïda.[6][3][7]

La colomba de patz dins las arts[modificar | modificar la font]

  • Per la seuna seria de dessenhs de colombas, al segle XX, l'artista Pablo Picasso, contribuguèt a far reviure aquel simbòl. Una de las seunas colombas serviguèt per una aficha del Congrés Mondial pe la Patz en 1949, après de la Segonda Guèrra Mondiala.[8]

Referéncias[modificar | modificar la font]

  1. 1,0 1,1 (ca)«Dieu castiga los òmes amb lo deluvi (Gn. 6,5-9,17)», La Bíblia / version dels tèxtes ooriginals e notas pels monges de Montserrat
  2. (en)Robert Graves, The Greek Myths, Penguin, 1960, sec.16.c
  3. 3,0 3,1 (en)Theoi Greek Mythology
  4. (en)Kathleen N. Daly and Marian Rengel, Greek and Roman Mythology A to Z, New York: Chelsea House, 2009
  5. (en)Michael J. Covili, «Coins of Roman Egypt: Eirene», 2001, 2006, «Monedas romanas de l'Egipte anciana»
  6. (ca)Virgili, Els IV Llibres de les Geòrgiques de Publi Virgili Maró, traducció en vers per Mn. Llorenç Riber i Campins, Barcelona, Institut d'Estudis Catalans, pagina 54
  7. (en)Great Seal
  8. (fr)Robert Maillard e Frank Elgar, Picasso: étude de l'œuvre et étude biographique París, Fernand Hazan, 1955, pagina 3