Clemenç Besomba
Clemenç Besomba o Clamenç Besomba (en francés Clément Besombes, Teissièras, lo 11 d'octòbre de 1937 – Mauriac, lo 21 de decembre de 2010) èra un escrivan occitan d'Auvèrnha.
Biografia[modificar | Modificar lo còdi]
Majorau del Felibritge, de la mantenéncia d'Auvèrnha, que n'èra atanben lo sendic, Clemenç Besomba èra professor retirat d'espanhòu.
Parlava occitan de familha. Sortissiá de l'Aurlhagués e s'establiguèt pro d'ora a Mauriac. Trabalhèt fòrça pel parlar auvernhat de la vila e per la consciéncia occitana.
Li devèm tant de causas qu'aquò sariá longarut de tot dire. Sufís de saber que son accion anava dinc fòrça direccions diferentas:
- faguèt sortir del doblit onde tombavon lentament belcòp de nosti grands autors auvernhats e aurlhagués. Faguèt conéisser coma aquò a la generacion jova lo grand poeta païsan e filosòf de la Marjarida cantalesa, Pèire BIRON, aliàs NORIB.
- publiquèt a si risques un recuèlh di poemas de l'autor d'Eitrac Julian Galèri, un di primiers occitans qu'utilizava la grafia classica. Julian Galèri mandava de poemas en grafia classica a sa femnòta durant la Guèrra de Quatòrge, onde foguèt gasat a Tessalonica, çò qu'abrivèt sa mòrt dinc leis annadas seguissentas.
- A dobèrt un Musèu de las Tradicions Ruralas a Mauriac
- A creat lo grop folclorique felibrenc "la Miramontesa".[1]
- Aquò sariá tròp long de repertoriar cada article escrit per noste valent majorau dinc La Cabreta. Diguessam que si racontes son plan marcats per sei conviccions pacifistas, antimilitaristas e l'ideia de Victor Hugo que «cada escòla dobèrta permetrà de barrar una preson».
- Lo majorau Clemenç Besomba èra atanben un militant actiu, e pro nalt plaçat, çaquedelai, del PCF. I espandissiá una influéncia plan positiva puèi que lo PCF del Cantau es ben favorable a la lenga.
Òbras[modificar | Modificar lo còdi]
- Parpandejadas
- Poesia e istòrias
Nòta[modificar | Modificar lo còdi]
- ↑ Çò que destria un grope folclorique felibrenc d'un aute es que fa clantir la lenga. Li gropes felibrencs dançon coma les autri mas chanton tanben per onorar nosta lenga.
Annèxes[modificar | Modificar lo còdi]
Bibliografia[modificar | Modificar lo còdi]
- {{{títol}}}. ISBN 978-2-9533591-0-7.
