Cangoró

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, vejatz Cangoró (omonimia).


Lo cangoró

Lo cangoró o cangoro (cf. cat. e pt. canguru) [1] es un marsupial (animal) que demòra en Austràlia.

Un cangoró es tota mena de grand macropòde (la familha dels marsupials que encabís a mai los oalabis, los cangorós arboricòlas e los walarus amb 45 espécias en total). Lo nom de cangoró de còps que i a s'emplega dins un sens pus larg per se referir a totes los membres de la familha dels macropòdes.

Las espécias de cangorós[modificar | modificar la font]

I a tres espécias de cangorós. Ocupan majoritàriament lo sud e lo centre d'Austràlia.

Lo cangoró roge[modificar | modificar la font]

Un cangoró roge

Lo cangoró roge (Macropus rufus), qu'es lo cangoró mai grand e tanben lo marsupial mai grand dels qu'existisson uèi. Los cangorós roges ocupan lo centre arid e semiarid del país. Un mascle adulte pòt mesurar 1,5 m de naut e pesar 85 kg.

Lo cangoró gris oriental[modificar | modificar la font]

Lo cangoró gris oriental (Macropus giganteus) es mens conegut que lo cangoró roge, mas se vei pus sovent, vist que son espécia cobrís la partida orientala, qu'es fertila, d'Austràlia.

Lo cangoró gris occidental[modificar | modificar la font]

Lo cangoró gris occidental (Macropus fuliginosus), de talha mai bassa. Se pòt trobar dins lo sud de l'Austràlia Occidentala, la partida meridionala qu'es a ras de la còsta e dins la conca del flum Darling.

Los cangorós possedisson de grandas e poderosas pautas posterioras, de pès grands faches per sautar, una coa longa e musculosa per gardar l'equilibri e un cap pichonèl. Los cangorós son erbívòrs e s'alimentan de pasturas e de rasics. Totas las espécias son nocturnas e crepuscularas. D'un biais general passan son jorn dins la calma e s'alimentan de vespre e las nuèches frejas, mai sovent en còlhas. An una esperança de vida de 18 annadas aperaquí. Los cangorós son coneguts coma l'animal mai representatiu d'Austràlia. Coma tal, es plan aisit de trobar de cangorós en joguets e sovenirs del país.

Un parelh de cangorós.

Ligams extèrnes[modificar | modificar la font]

Referéncias[modificar | modificar la font]

  1. [Article de Gabriel Bibiloni "«Condó». Com és possible?" ont demòstra que “Cangoro” es la fòrma corrècta e comuna a totas las lengas latinas, e “cangoró” es un manlèu del francés]