Caireforc Cultural Naut Bernat
Lo Caireforc Cultural Naut Bernat recampa mai d'una associacion del quartièr e de las iniciativas coma lo Forom de las Lengas del Mond, dins lo quartièr Naut Bernat a Tolosa.
Aliga una politica d'animacion populara per lo quartièr e en favor del quartièr, mas tanben per tota la vila, a una estrategia d'accion culturala d'ambicion civilizatritz e de portada universala. Se vòl lo luòc del rencontre del creator que cèrca un terren e un folclòre, de l'actor de basa que cèrca d'amiras pus universalas, e d'un public que se vòl ciutadan. Es perqué, per exemple, organiza sus la meteissa plaça un mur d'expression amb de « graffaires » e « de conversacions socraticas ». Causir d'enrasigar al mai prigond d'un quartièr las màgers conquistas de l'esperit uman, causir, coma nos o ensenha la civilizacion occitana, de far sorgir d'una terralada de valors cosmopolitas, aquò es la dobla accion que lo Caireforc Cultural vòl conjugar. « A Naut Bernat, recebèm lo Mond. De Naut Bernat, parlam al Mond ».
Lo Caireforc Cultural Naut Bernat es un dels sòcis fondators de l'associacion d'associacions Convergéncia Occitana.