Cachafuòc

Un article de Wikipèdia, l'enciclopèdia liura.
Anar a : navigacion, Recercar
Lo cachafuòc o soc de Nadal

Lo cachafuòc o soc de Nadal es un dels elements tradicionals qu'acompanhan e alegran la celebracion de Nadal. Aqueste tronc, que trapam tanben dins d'autres païses coma en Catalonha jol nom de tió de Nadal (o mai popularament cagatió) e Aragon jol nom de tronca, toza o tizón de Nadal, èra a la debuta un tronc (de perièr, d'olivièr o de cerièr) que se metiá dins la cheminèia, pro gròs per tal que durèsse tot lo temps de la fèsta de Nadal. Solián èsser portats al fuòc per l'aujòl e lo caganís de la familha.

Las autras tradicions, mangivòlas, son lo Gròs Sopar e los tretze dessèrts.

Aquí una version cevenòla de la cançoneta:

Bota fuòc, cachafuòc

 
Bota fuòc, cachafuòc,
que nos alegre,
que nos fague la jòia d’èstre aquí l’an que ven,
e se sèm pas mai,
que siaguem pas mens!