Còde postal en França

Un article de Wikipèdia, l'enciclopèdia liura.
Anar a : navigacion, Recercar

En França, lo còde postal es un nombre de 5 chifras. Aquel sistèma existís dempuèi 1964, data ont la La Pòsta causís lo sistèma de tria automatic pel corrièr, lo format a cambiat per passar a 5 chifras en 1972. Existís un còde postal per cada comuna francesa qu'aviá en 1972 un burèu per distribuir lo corrièr.

Las doas primièras chifras[modificar | modificar la font]

Las doas primièras chifras son las meteissas que las del numèro de departament del burèu de pòsta e non de la comuna. Existís qualques comunas ont lo burèu se tròba dins un autre departament. En Corsega, los còdes postals començan totes per 20 alara que l'illa se compausa de dos departaments (20 èra lo numèro del departament de Corsega quand n'i aviá pas qu'un).

Las tres darrièras chifras[modificar | modificar la font]

Es lo numèro que designa lo burèu dins lo departament. Lo pus sovent, las prefecturas an lo còde 000, e las autras grandas comunas an un còde que s'acaba per 00. Per las grandas comunas es possible de trobar mai d'un còde postal segon lo quartièr. Per París, Marselha e Lion, las darrièras chifras del còde son las de l'arrondiment municipal.

Mónegue a adoptat lo sistèma francés; lo còde postal pel país es de 98000.