Billy Joel

Un article de Wikipèdia, l'enciclopèdia liura.
Anar a : navigacion, Recercar
Billy Joel

William Martin Joel, mai conegut coma Billy Joel (Brònx, Nòva York, 9 de mai de 1949) es un cantaire, cantautor e pianista american. Artista dels mai prestigioses dels Estats Units, a ganhat sièis prèmis Grammy e a vendut mai de 100 milions de disques durant sa carrièra, arrestada parcialament dempuèi 1993.

Biografia[modificar | modificar la font]

Billy Joel nasquèt a Nòva York en 1949 mas s'abaliguèt a Hicksville, dins un barri obrièr. Son paire, Howard (que se sonava anteriorament Helmuth), èra nascut en Alemanha e èra lo filh de Karl Amson Joel, un òme d'afars alemand, que, aprèp l'aveniment del regim nazi, decidiguèt d'emigrar en Soïssa, e mai tard als Estats Units. La maire de Billy Joel, Rosalind Nyman, èra nascuda ela en Anglatèrra. Totes dos parents èran de confession jusieva. Aprèp lo divòrci de sos parents que se debanèt en 1960 lo paire se n'anèt en Euròpa e s'implantèt a Viena. Billy Joel a una sòrre, Judith Joel, e un frairastre, Alexander Joel, qu'es un director d'orquèstra classica prestigiós en Euròpa i l'actual director musical del Staatstheater Braunschweig.

Ja que son paire èra un grand pianista, Billy comencèt fòrça jove a manifestar un interès considerable per la musica, mai que mai la musica classica. Aprenguèt alara a tocar lo piano, e aqueste léser faguèt que los autres dròlles de son temps se trufèssen d'el. Per encausa d'aquel secutament frequent lo futur cantaire decidiguèt de seguir de corses de bòxa per se poder defensar. Sa progression foguèt pro rapida e comencèt puèi a participar a de combats professionals. Aital ganhèt 22 combats, e poguèt participar a la celèbra competicion sonada los "Golden Gloves". Pasmens sa carrièra durèt pas gaire qu'aprèp qu'un adversari li copèsse lo nas abandonèt.

Faguèt sos estudis segondaris a Hicksville mas sortiguèt de l'escòla sens diplòmas. Per encausa del divòrci de sos parents, deguèt ajudar sa maire financièrament e comencèt alara a trabalhar. Tocava lo piano dins un bar musical, çò qu'afectèt grèvament son escolaritat. Decidiguèt puèu d'arrestar son educacion escolara per entamenar una carrièra dins lo mond de la musica.

Discografia[modificar | modificar la font]

Ligams extèrnes[modificar | modificar la font]