Batalha de Peitieus (1356)

Un article de Wikipèdia, l'enciclopèdia liura.
Anar a : navigacion, Recercar
Guèrra de Cent Ans (1337-1453) ambé l'endrech de la batalha de Peitieus e l'extension dei pèrdas territòrialas francesas après lo tractat de Brétigny de 1360.

La batalha de Peitieus se debanèt lo 19 de setembre de 1356 durant la Guèrra de Cent Ans. Opausèt una armada anglesa de 7 000 òmes dirigits per lo Prince Negre a una armada francesa de 15 000 òmes menats per lo rèi Joan II (1350-1364). Fòrça murtriera per lei dos camps, s'acabèt per una desfacha francesa marcada per la captura dau rèi e la mòrt d'unei senhors francés importants coma lo duc de Borbon o lo Conestable de França.

La captura dau rèi marquèt lo començament d'una crisi intèrna en França en causa de l'afebliment de l'autoritat centrala e de la pèrda de prestigi de la noblesa. En 1360, foguèt signat lo tractat de Brétigny per liberar Joan II en cambi de concessions territòrialas importantas.