Arnaut Ernèst Junqua

Un article de Wikipèdia, l'enciclopèdia liura.
Anar a : navigacion, Recercar

Arnaut Ernèst Junqua (en francés, Arnaud Ernest Junqua, vasut lo 16 de febrèr de 1816 a Leitora (Gers), mòrt lo 31 de genèr 1893, es un militari francés deu Segond Empèri.

Biografia[modificar | modificar la font]

Son pair, Arnaut Junqua, es lo purmèr sos-prefeit de Leitora en 1792, causit per sas qualitats republicanas. Es un òme imposant, de nauta talha (prèp de 2 métres, e lo hilh, Arnaut Ernèst, mesurara 2,04 m[1]). Sa mair, Cécile Belliard, es la hilha de Jeanne Lannes, sòr deu marescau Joan Lannes[2].

Arnaut Ernest s’engatja dins l’armada en 1834. En 1851, es capitani dens lo 1èr regiment de carabinèrs. Se retròva dins lo regiment de coirassèrs de la Garda imperiala. Obten la Legion d’Onor lo 23 de mai 1855. Aquèste annada, la rèina Victòria deu Reiaume Unit ven a París tà visitar l’Exposicion universau, e s’arrestant davant Arnaut Ernèst Junqua qu’es de faccion. « O, lo polit oficièr » ! çò ditz. Mès tard, lo soldat contarà coma es partit dins una aventura entà trobar lo famós diamant Koh-i-Noor, e lo balhar a la rèina. Junqua èra conegut coma lo perfèit Gascon, contaire d’« istòrias vertadèras o inventadas — mès sovent inventadas ».

De 1857 a 1859, totjorn capitani, es commandant en segond deu Escadron deus Cent-Gardes[3].

En 1859 es hèit cap d’escadrons au 12e régiment de dragons de Valencienas[4], e recep lo grade d’Oficièr de la Legion d’Onor.

Se retira deu servici en 1870 e s’en torna dens sa vila natala, on morís lo 31 de genèr de 1893.

Nòtas e referéncias[modificar | modificar la font]

  1. « Mort d'un "grand" homme », Le Stéphanois, n°36, année 13, 7 février 1893
  2. Bulletin de la Société archéologique, historique, littéraire & scientifique du Gers, Volumes 56 à 57, Impr. Th. Bouquet, 1955
  3. Almanach national, p. 56, éd. Guyot et Scribe, Paris, 1857
  4. [1] Annuaire militaire de l’Empire français, 1869

Honts[modificar | modificar la font]

  • Cent-Gardes
  • Albert Verly, L'escadron des cent-gardes, Paul Ollendorff, Paris, 1894