Ailurus fulgens
Ailurus fulgens | |
| |
Enregistrament | |
---|---|
Classificacion scientifica | |
Règne | Animalia |
Embrancament | Chordata |
Classa | Mammalia |
Òrdre | Carnivora |
Familha | Ailuridae |
Genre | Ailurus |
Espècia | Ailurus fulgens |
Estat de conservacion | |
| |
UICN | 714 |
Reparticion geografica | |
Lo panda roge d’Imalaia o pichòt panda d’Imalaia es un mamifèr que viu en Asia dins la sèrra d’Imalaia e al nòrd de Birmania.
Lo pichòt panda fa la talha d’un grand cat (60 cm) amb una longa coa. A lo còrs ros, las patas e lo cap negres e blancs, de bendas jaunas sus la coa. Se pòt téner drech. Sas arpas li permeton de montar als arbres e de ne davalar lo cap en bas.
Los pandas gigants partisson fòrças territòris amb los pichons. Los pichons pandas manjan de bambós, de frucha, de racinas, d’aglands, de liquèns, d’uòus, d’aucelons, e de carn quand son en captivitat, mas un regim compausat de tròp de carn pòt provocar la mòrt.
Lo pichòt panda es principalament nuechenc. Viu dins los arbres per se noirir e escapar a son principal predator: la pantèra de las nèus.
Es un animal solitari. La reproduccion a luòc entre la mitat del mes de mai e la mitat del mes de julh. La femèla pòt aver dos pichòts al maximum. La gestacion dura en mejana 135 jorns, los pichons atenhon lor maduretat sexuala entre 18 e 20 meses.
L’espècia es actualament en dangièr per encausa del braconatge e de la reduccion de son espaci de vida.
Referéncias[modificar | Modificar lo còdi]
- ↑ Afirmat dins: The IUCN Red List of Threatened Species 2022.2. Identificant IUCN: 714. Data de consulta: 2 de genièr de 2023. Data de publicacion: 9 de decembre de 2022.