AMR 33
L’AMR 33 (nom complèt : automitralhièra de reconoissença Renault modèl 1933) es un carri leugier desvolopat per Renault en 1932-1933. Intrada en servici dins l'armada francesa en 1933, foguèt producha fins a 1935 a 123 exemplaris. Èra un veïcul blindat relativament rapid (45 km/h sus lo prat batalhier) armat de doas mitralhièras de 7,5 mm. Lo blindatge èra feble, mai corrècte per l'epòca (13 mm au maximom). En despiech de son nom, l'AMR 33 èra pas destinat a la reconoissença, mai a la formacion d'una massa de carris leugiers encargats de combatre a l'avans d'un grop de carris pus pesucs. Pasmens, èra pauc fisabla e foguèt rapidament remplaçada per l'AMR 35.
Una suspension inadaptada au desplaçament sus lo prat batalhier èra la causa principala de la manca de fisabilitat de l'AMR 33. En 1940, lei veïculs disponibles foguèron utilizadas per lei divisions leugieras de cavalariá per provesir un sostèn ai divisions motorizadas, a l'infantariá e a la cavalariá a pè. Pasmens, a aquela data, leis AMR 33 èran obsolètas e la màger part foguèron rapidament destruchas durant lei combats. Quauquei veïculs subrevivents foguèron capturats e utilizats per la Wehrmacht, probablament en França[1].
Liames intèrnes[modificar | Modificar lo còdi]
Bibliografia[modificar | Modificar lo còdi]
- (fr) François Vauvillier, Les automitrailleuses de reconnaissance. Vol. 1. L'AMR 33 Renault modèle 1933 type VM : ses précurseurs, ses concurrentes et ses dérivés, Histoire et collections, 2005.
Nòtas e referéncias[modificar | Modificar lo còdi]
- ↑ Èran dichs Panzerspähwagen VM 701 (f) dins l'inventòri de l'armada alemanda.