Altai
Altai es una cadena de montanhas en Asia centrala e orientala, ont Russia, China, Mongolia e Cazacstan se rejonhon, e ont las ribièras Irtish e Òb an sas aigas d'amont. Lo massís se confond amb las montanhas de Saian al nòrd-èst, e s'abaissa progressivament al sud-èst, ont encontra lo repalanat del desèrt de Gòbi. S'espandís aperaquí de 45° a 52° N e de 84° a 99° E.
La region es abitada ear una populacion semenada clar mas etnicament diversificada, comprenent russes, cazacs, altais e mongòls. L'economia locala es basada sus l'élevatge bovin, ovin e equin, l'agricultura, la forestariá e l'espleitacion minièra. La familha de las lengas altaïcas, uèi contestada, coma nombroses toponims tiran son son nom d'aquela cadena de montanhas.
Geografia[modificar | Modificar lo còdi]
Al nòrd de la region se trapan los Monts Sailughem, tanben coneguts amb lo nom de Kolyvan Altai , que s'espandisson al nòrd-èst e vèrs l'extrémitat oèst de las Montanhas Saian. Son altitud mejana es de 1 500 a 1 750 m. L'estatge nival se trapa a 2 000 m a l'envèrs e a 2 400 m a l'adrech, e en dessús, los pics esquius s'enauçan qualque 1 000 m pus naut. Los còls de montanha a travèrs de la cadena son pauc nombroses e malaisits, los principals essent Oulan-daban a 2 827 m (2 879 m segon Kozlov), e Chapchan-daban, a 3 217 m , respectivament al sud e al nòrd. A l'èst e al sud-èst aquela cadena es flanquejada del grand replanat de Mongolia, la transicion se fasent dapasset amb mantun replanats menors, coma lo replanat Ukok (2 380 m) amb la val de Pazyryk, Chuya (1 830 m), Kendykty (2 500 m), Kak (2 520 m), (2 590 m) e (2 410 m).
La region es semenada de lacs bèls, coma per exemple lo lac Uvs a 720 m en dessús del nivèl e la mar, Khyargas, Dorgon e Khar a 1170 m, e traversada per divèrsas cadenas de montanhas, que las principalas son las montanhas Tannu-Ola, que s'espandisson a pauc près parallalement a las montanhas Saian tan luenh a l'èst que lo Kosso-gol, e las montanhas Khan Khökhii, que s'espandisson tanben a l'oèst e a l'èst.