Veire la font de Wikipèdia:Drech d'autor

{{Principi fondator|WP:COPYRIGHT|WP:CR}}
{{en resumit|Abans d'ajustar de contengut dins Wikipèdia, asseguratz-vos qu'es compatible amb nòstre [[Licéncia de documentacion liura GNU|licéncia liura]]. Se reütilizatz de contengut de Wikipèdia, o devètz far segon los tèrmes d'aquesta licéncia.}}
{{Contengut de Wikipèdia}}

La tòca de Wikipèdia es de crear una font d'informacions dins lo format d'una enciclopèdia. Aquesta publicacion se deu far en velhant a las questions legalas e particularament al respècte del [[drech d'autor]] ; es una garantida indispensabla per que nòstre trabalh demòre disponible, protegit dels alèas juridics e atal confòrme a son intencion d'èsser « una enciclopèdia liura ».

La filosofia del « [[Cultura liura|liure]] » essent al còr del projècte, nos afecciona particularament las possibilitats de redistribuïr lo mai liurament possible la pus granda partida possibla del contengut de Wikipèdia, de biais que los documents originals publicats dins aqueste esperit sián totjorn preferits a los plaçats jos una licéncia non liura.

Aquesta pagina presenta los traches màgers de l'estatut juridic dels contenguts (licéncia) e lors consequéncias practicas. En cas d'infraccion supausada, vejatz [[Ajuda:Sospicion de tèxte protegit|Sospicion de tèxte protegit]].

== Estatut de Wikipèdia al regard de la proprietat intellectuala ==

Lo tèxte dels articles disponibles sus Wikipèdia es cobèrt per la [[Licéncia de documentacion liura GNU]] (GFDL), fòrt inspirada de la del [[logicial liure]]. Es aquesta licéncia que garantís juridicament la libertat de contengut a perpetuitat, libertat qu'es un element incontornable de la motivacion dels participants. 

Es possible d'esquematizar a l'encòp çò que permet aquesta licéncia e çò qu'impausa : 
# Lo contengut de Wikipèdia es dich « [[Contengut liure|liure]] » en vertut de las condicions de la licéncia.
# Cadun a lo drech de lo copiar.
# Cadun a lo drech de lo modificar, aicí o dins tota còpia.
# MAS tota còpia o modificacion es ''obligatòriament'' somesa a las meteissas condicions exigidas per aquesta licéncia.

Totas las contribucions devon doncas a l'encòp respectar las exigéncias de la proprietat intellectuala e las condicions suplementàrias impausadas per la GFDL. Aquesta vigilància interven principalament en doas ocasions : l'apòrt de contengut e las modificacions màgers de pagina (scission, fusion, escafament). En practica, aquò pausa abitualament pas de dificultat.

== Ajustes de contengut ==

La situacion es en partida diferenta segon l'estatut inicial del contengut, es a dire se sètz son creator o al contrari se se tracta mai o mens d'una reproduccion.

Notatz çaquelà que ni aquesta distincion prealabla ni cap d'autra indutz pas una diferéncia d'estatut quina que siá entre las contribucions o entre los participants que son totes tanben autors de l'enciclopèdia Wikipèdia jos licéncia GFDL. 

=== Sètz l'autor del vòstre apòrt ===

Vòstra participacion al projècte deu pas contravenir a de clausas vos ligant d'autra part a un autre editor o mèdia.

En contribuissent a aqueste site, sètz avertits en divèrsas ocasions que publicatz de tèxte, quina que ne siá la provenéncia, jos los tèrmes de la GFDL, rapelats çaisús. Un còp l'ajust fach vos poiretz pas opausar al nom del [[drech d'autor]] a sa modificacion e pas tanpauc a las possibilitats de reütilizacion, quitament comerciala.

Gardatz vòstres dreches sus vòstre trabalh, en particular lo podètz apuèi publicar tornarmai jos tota licéncia que desiratz. Pasmens, poiretz pas jamai levar la GFDL de las versions qu'avètz plaçadas aicí : aqueste material demorarà jos GFDL sens limit de temps.

Dins l'ignorància de vòstra qualitat d'autor, pòt arribar qu'un de los que susvelhan la legalitat dels tèxtes meta en question vòstre drech de publicar un tèxte dins Wikipèdia ; vos formalizetz pas d'aquesta interrogacion, seguissètz los conselhs que vos son donats o legissètz la [[ajuda:republicacion|pagina d'ajuda]]. Aquesta demarcha aurà per efièch de metre l'article dins la categoria « [[:categoria:article amb permission confirmada|article amb permission confirmada]] ».

=== Sètz pas l'autor del vòstre apòrt ===

# Avètz trobat aqueste contengut dins lo [[domeni public]], dins d'obratges ancians o dins de tèxtes produches pels govèrns de cèrts païses : es solament util d'indicar aquesta provenença per [[Wikipèdia:verificabilitat|verificabilitat]].
# Avètz extrach aqueste contengut d'una font qu'autoriza la publicacion jos la GFDL : devètz reconéisser sus la pagina de discussion la paternitat d'aqueste material a son autor e fornir un ligam vèrs l'emplaçament del document original.<br />Se la còpia d'origina utiliza de seccions invariantas, devètz inclure aquestas dins l'article Wikipèdia ; mas tot coma los tèxtes utilizats amb la permission de l'autor, es preferible de remplaçar aquestes per l'original o un tèxte utilizant una licéncia mai liura. 
# Avètz l'autorizacion de l'autor d'incorporar aqueste tèxte a Wikipèdia. Aquesta autorizacion, que deurà explicitament far referéncia a la coneissença de las consequéncias de la GFDL, se deu comunicar d'un biais o d'un autre. Vejatz [[Wikipèdia:Demanda d'autorizacion d'autor|Demanda d'autorizacion d'autor]]
# S'utilizatz una partida d'un document protegit en invocant lo « [[drech de citacion]] » o s'obtenètz de la part del detenidor dels dreches la permission d'utilizar un document protegit, devètz mencionar aqueste fach (amb lo nom e la data) sus la pagina de discussion de l'article.

En cas de dobte, cal pas jamai utilizar de documents enfranhent lo drech d'autor d'autrú e prendre lo risc de comprometre lo projècte. Preferissètz escriure l'article vos-meteis en defugissent lo [[plagiat]] perque las leis pertocant lo drech d'autor reglamentan l’''expression creativa'' de las idèas e non las idèas o las informacions en se.

== Reütilizacion de contenguts ==

{{Apregondir|Wikipèdia:Citacion e reütilizacion del contengut de Wikipèdia}}

Se volètz utilizar de documents de [[Wikipèdia]] dins vòstre pròpri libre, article, site Web o una autra publicacion, o podètz far a condicion de respectar la [[Licéncia de documentacion liura GNU|GFDL]], aqueste que impausa las condicions seguentas :
# Vòstres documents se devon a lor torn publicar jos GFDL.
# Devètz mencionar l'origina de cada document (seccion 4B de la licéncia).
# Devètz provesir un accès a una « version transparenta » del document (seccion 4J, per un article de Wikipèdia, la « version transparenta » es lo « [[wikitèxte]] »). Aquestas doas obligacions se pòdon complir en provesissent dins lo document un ligam [[HTML]] menant a [http://oc.wikipedia.org oc.wikipedia.org].

==Vejatz tanben==
* Cossí demandar una licéncia liberant de dreches : [[Wikipèdia:Demanda d'autorizacion d'autor]].
* Pels imatges e fichièrs multimèdia : [[Wikipèdia:Règlas d'utilizacion dels imatges]]
* Qué far en cas de sospicion de violacion del drech d'autor ? : [[Ajuda:Sospicion de tèxte protegit]].
* Precaucion en cas d'insercion d'un tèxte ja publicat : [[Ajuda:Republicacion]].


{{Règlas}}

[[Categoria:Wikipèdia:Proprietat intellectuala|{{PAGENAME}}]]

[[ca:Viquipèdia:Copyrights]]
[[da:Wikipedia:Ophavsret]] 
[[de:Wikipedia:Lizenzbestimmungen]]
[[en:Wikipedia:Copyrights]]
[[es:Wikipedia:Copyrights]]
[[gu:વિકિપીડિયા:કૉપીરાઇટ]]
[[it:Aiuto:Copyright]]
[[lb:Wikipedia:Copyright]]
[[hu:Wikipédia:Copyright]]
[[nl:Wikipedia:Auteursrechten]] 
[[ja:Wikipedia:著作権]]
[[no:Wikipedia:Opphavsrett]]
[[pl:Wikipedia:Prawa autorskie]]
[[pt:Copyrights]]
[[simple:Wikipedia:Copyrights]]
[[sl:Wikipedija:Avtorske pravice]]
[[sv:Wikipedia:Upphovsrätt]]
[[zh:wikipedia:版权信息]]
[[he:ויקיפדיה: זכויות יוצרים]]