Flogistic
La teoria dau flogistic[1] es una teoria quimica anciana qu'explicava la combustion en postulant l'existéncia d'un fluid dich «flogistic» (dau grèc: φλογίστος, phlogistos, «inflamable») present dins lei materiaus combustibles. Concebuda per Johann Joachim Becher (1635-1682) e desvolopada per Georg Ernst Stahl (1659-1734), foguèt invalidada per la descubèrta dau ròtle de l'oxigèn dins la combustion a la fin dau sègle xviii.
Èra eissida de la teoria dei quatre elements antics. Lo flogistic seriá estat lo constituent principau deis objèctes combustibles. Associat au fuòc, èra eliminat durant una combustion, çò que permetiá d'explicar la pèrda de massa observada durant una tala reaccion. Lei rèstas de la combustion, es a dire lei partidas incombustiblas, èran dichas « cauç » en causa de son aspècte polverulent.
Articles connèxes
[modificar | Modificar lo còdi]Nòtas e referéncias
[modificar | Modificar lo còdi]- ↑ «Phlogistique» (en francés). Multidiccionari Occitan Dicod'Òc. Congrès permanent de la lenga occitana.