Energia mecanica
(Redirigit dempuèi Teorèma de l'energia mecanica)
L’energia mecanica d'un sistèma fisic es, en mecanica classica, la soma de son energia cinetica e de son energia potenciala[1]. Coma despend de la velocitat dau sistèma, es pas un invariant galilèu, es a dire que sa valor varia segon lo referenciau d'estudi. Pasmens, dins un referenciau donat, se lo sistème es unicament somés a de fòrças conservatritz, l'energia mecanica es una constanta. Aquò es son interès principau car facilita fòrça la descripcion de certanei movements.