Publicitat
La publicitat es una activitat comunicativa qu'a per tòca de menar a la comercializacion. S'agís de metre en valor un produch per lo vendre per mejan de canals de difusion divèrses (afichas, ràdio o television). La publicitat fa servir de tecnicas de marqueting, de coneissença del mercat, per difusar de messatges de promocion del produch a comercializar. La publicitat se caracteriza per una comunicacion massiva indipensable al foncionament de la societat de consomacion. La publicitat investiga e analiza sa cibla dins lo public e lo contèxte social en fasent servir divèrsas disciplinas coma la psicologia, sociologia, antropologia, estatistica e economia entre autras.
La publicitat a per tòca de modificar lo comportament de compra dels consomators. La publicitat non solament delivra d'informacions sus de produches concrèts, mas en mai, comunica d'informacions sus la classa de personas que devèm considerar atractivas, los luòcs ont nos auriá agradar de viure e los estandards qu'avèm d'observar dins lo biais de se vestir, de parlar, etc.
Dins la societat actuala, la publicitat comerciala es un element motor de l'economia, que servís a impulsar la consomacion o la surconsomacion.
Referéncias
[modificar | Modificar lo còdi]- (fr) Marc Martin, Les pionniers de la publicité. Aventure et aventuriers de la publicité en France (1836-1939), Paris, Nouveau Monde éditions, 2012. ISBN 978-2-8473-6567-2