Veire la font de Projècte Venus

<!--Article redigit en gascon-->
{{Coord|27.073667|-81.43079}}
{| border="1" cellpadding="2" cellspacing="0" align="right" width="290px" style="margin: 0 0 1em 1em; background: #f9f9f9; border: 1px #aaaaaa solid; border-collapse: collapse; font-size: 95%;"
|+<font size="+1">Projècte Venus<br /><small>''The Venus Project</small></font>
|-
| style="background:#efefef;" align="center" colspan="2" |
{| border="0" cellpadding="2" cellspacing="0"
|-
| align="center" width="140px" | [[Fichièr:The Venus Project logo and wordmark.svg|border|250px]]
|-
|}
|-
| <small>[[devisa (frasa)|Devisa]]</small>
| <small>{{cita|Enlà de la politica, deu praubèr e de la guèrra}}</small>
|-
| <small>Tipe</small> 
| <small>Organizacion </small>
|-
| <small>Creacion</small> 
| <small>1995</small> 
|-
| <small>Sièti</small>
| <small>[[Venus (Florida)]]</small>
|-
| <small>[[lista dels païses del mond|Estat]]
| <small>{{USA}}</small>
|-
| <small>Capdau</small>
| <small>Jacque Fresco</small>
|-
| <small>Cofondatritz</small>
| <small>Roxanne Meadows</small>
|-
| <small>Sit oficiau</small>
| <small>[http://www.thevenusproject.com www.thevenusproject.com]</small>
|}
[[Fichièr:Jacque Fresco with Roxanne Meadows.jpg|left|250px|thumb|Lo futurista Jacque Fresco dab Roxanne Meadows]]
Lo '''Projècte Venus''' (''The Venus Project'' en [[anglés]]) qu'ei ua organizacion fondada en 1995 per l'engenhaire, inventor, dessenhaire, arquitècte autodidacta, ensenhaire e [[Futurisme|futurista]] [[Estats Units d'America|american]] Jacque Fresco (1916-2017), e la dessenhaira tecnica, arquitècta, modelista e scientifica americana Roxanne Meadows. Aqueth nom que vien de [[Venus (Florida)|Venus]], ua comunautat de l'estat american de Florida près deu lac Okeechobee on e's tròba lo sièti de l'organizacion, un center de recèrca de {{NaU|8.7|h}} compausat de 10 bastiments creats per Fresco. L'annada 2013 qu'arrepresentè l'apoteòsi de 75 ans de recèrcas scientificas. En 2003, Fresco e Meadows que creèn tanben  l'associacion shens nat prezhèit lucratiu ''Future By Design'' qui en 2006 e sortí un filme document<ref><small>{{en}} [http://www.youtube.com/watch?v=bwJaLFMf7IA The Venus Project - Future By Design.]</small></ref> sus la vita e lo tribalh d'eth. Lo 15 d'abriu de 2012, lo Projècte Venus qu'anonciè la sortida deu son navèth documentari gratuit ''Paradise or Oblivion'' (Paradís o perdicion).<ref><small>{{en}} [http://www.youtube.com/watch?v=KphWsnhZ4Ag Paradise or Oblivion.]</small></ref>

Lo son fondator que presenta la construccion imaginària d'ua societat ideau (utopia). Que parteish de l'idèa que lo praubèr, la delinquéncia e la guèrra son devudas a las nevròsis e a la hrèita causadas peu noste sistèma economic on la recèrca deu profièit ei mei importanta que lo progrès tecnologic, particularament aqueth qui contribueish a l'amelhorança de la societat. Ua tecnica desvolopada shens tiéner compte deu profièit, que portaré mei bens e ressorsas per'mor d'avalir l'egoïsme, la corrupcion e lo goludèr. Que cred possible d'establir ua societat solidària dens la quau las gents poscan víver {{cita|mei longtemps, en miélher santat e en tot dar mei sens a la loa vita}} (extrèit deu film documentari ''Zeitgeist: Addendum'').<ref><small>{{fr}} [http://www.youtube.com/watch?v=DRXHiBq79dA Peter Joseph (2008): ''Zeitgeist: Addendum''.]</small></ref>

Lo projècte que perpausa de tornar estructurar la societat a truvèrs d'ua {{Cita|economia basada sus las ressorsas}} qui aja per ehèit ciutats sostenablas, l'eficacitat energetica, la gestion deu patrimòni naturau e ua automatizacion avançada au demiei d'un sistèma socioeconomic mondiau fondat sus la cooperacion umana e lo metòde scientific. Ua {{Cita|economia basada sus las ressorsas}} que s'ageish d'un sistèma socioeconomic olistic dens lo quau tots los bens e servicis son disponibles shens l'utilizacion de moneda, de credit, de [[tròc]] o de tota auta forma de deute o de servitud. L'ensemble de las ressorsas deu planeta qu'ei considerat com un patrimòni de tots los pòbles de la Tèrra. La moneda qu'ei ua convencion sociau, un acòrd, un mejan d'escambi. N'ei pas ua ressorsa naturau e non n'arrepresenta pas nada; la moneda qu'ei superflua: que'ns hè pas hrèita entà la subervivença sonque siam estats condicionats a considerar-la com tau.

Òm que poderà utilizar la tecnologia tà susmontar<!--tà véncer--> la manca de ressorsas, emplegant e desvolopant energias renovelablas, informatizant e automatizant la fabricacion e los inventaris e concebent vilas seguras e eficaças energeticament, equipadas de sistèmas avançats de transpòrts, en tot auherir suenhs de santat universaus e ua educacion pertinenta. Que s'ageish d'aplicar la tecnologia intelligentament e eficaçament, en conservant l'energia, arredusint las sobralhas e deishant mei temps entaus lésers. Dab l'ajuda d'un inventari automatizat a l'escala mondiau, òm que poiré mantiéner un equilibri enter la produccion e la distribucion. Solament los aliments nutritius e sans que serén disponibles e l'obsolescéncia programada que seré inexistenta.

===Referéncias===
<references />

[[Categoria:Utopia]]