Veire la font de President del Govèrn d'Espanha

{{Infobox Foncion}}
[[Imatge:Pedro Sánchez in 2018.jpg|thumb|200px|[[Pedro Sánchez]] president del govèrn d'Espanha]] 
Lo '''president del Govèrn''' es lo [[cap de Govèrn|cap]] del [[Govèrn d'Espanha|govèrn]] d'[[Reialme d'Espanha|Espanha]]. Es elegit pel [[Congrès dels Deputats (Espanha)|Congrès dels Deputats]], la [[Cambra bassa]] de las [[Corts Generalas]], per mejan d'un procèssus d'[[investidura]], e lèu es nomenat pel [[Rei d'Espanha]], davant qui prèsta jurament o promesa. 

Sas foncions son establidas pels articles 97 a 116 de la [[Constitucion Espanhòla de 1978]]. Son ròtle primièr es de dirigir l'accion del Govèrn e coordena las foncions dels membres del Govèrn. Es empachat d'exercir quina activitat professionala pendent sa carga.

Dempuèi lo [[2 de junh]] de [[2018]], la carga de president del [[Govèrn d'Espanha]] es ocupada per [[Pedro Sánchez]] del [[PSOE]]. La residéncia oficiala del president del Govèrn dempuèi 1977 es lo [[Palais de la Moncloa]], a [[Madrid]].

== Eleccion ==

Lo president del Govèrn es pas elegit dirèctament, mas per una eleccion indirècta del [[poder legislatiu]]. Lo rei, seguent la consulta de per abans dels representants designats pels gropes politics que fan partida de la representacion parlamentària, prepausa un candidat a la presidéncia del Govèrn. La costuma indica que deu èsser lo cap del partit majoritari, o lo cap de la coalicion majoritària, mai i a pas d'obligacion legala al subjècte.

Lo candidat prepausat pel rei presenta davant lo Congrès dels Deputats lo programa politic del Govèrn que pretend de formar e demanda la fisança del Congrès.

Se lo Congrès dels Deputats, a la [[majoritat absoluda]] (al mens la mitat mai un dels deputats que compausan lo Congrès), autreja sa confisança al dich candidat, lo Rei lo nomenarà President. Se capita pas, la majoritat absoluda, somet la meteissa preposicion a un novèl vòte 48 oras aprèp, e la confisança es autrejada se lo candidat obten la majoritat simpla (mai de vòtes positius que negatius dels membres presents al vòte).

Los autres membres del Govèrn son nomenats e demeses pel Rei, sus proposicion del seu President.

== Investidura ==
[[Imatge:Palacio de la Moncloa.jpg|250px|thumb|right|Jornalistas a las pòrtas del '''[[Palais de la Moncloa]]''', sèti e residéncia oficiala del President del Govèrn e sa familha.]]
Aprèp que lo candidat foguèt autrejat per la majoritat del [[Congrès dels Deputats]], es nomenat pel Rei coma President del Govèrn dins una ceremonia d'investidura ont jura o promet sa carga dins lo Salon de las Audiéncias del [[Palais de la Zarzuela]] jos la preséncia del ''Notario Mayor del Reino'' (Ministre de la Justícia).

== Estatut ==

En cas de responsabilitat penala del President e dels autres membres del Govèrn, aqueles son justiciables, dins un afar, davant la ''Sala 2ª de lo Penal del Tribunal Supremo''.

Se l'acusacion es per traïson o quin que siá delicte contra la securitat de l'Estat dins l'exercici de sas foncions, aquela poirà solament èsser introducha sus iniciativa del quart dels membres del Congrès, e amb l'aprovacion de la majoritat absoluda d'aquel.

== Mocion de Censura e Question de confisança ==

Lo President del Govèrn, aprèp deliberacion del Conselh del Ministres, pòt iniciar davant lo Congrès dels Deputats la question de confisança sul sèu programa o sus una declaracion de politica generala. 

Lo [[Congrès dels Deputats (Espanha)|Congrès dels Deputats]] li autreja sa fisança quand vòta en favor d'aquela a la majoritat simpla dels Deputats.

Lo Congrès dels Deputats pòt destituir en quin moment que siá lo President del Govèrn per mejan d'una mocion de censura constructiva, que demanda lo sosten de la [[majoritat absoluda]] del Congrès (almens la mitat mai un dels deputats que compausan la cambra) per que pòsca capitar e provocar la destitucion efectiva del President e de son Govèrn.

== Presidents del Govèrn espanhòl ==
{{Article detalhat|Lista dels Presidents del Govèrn d'Espanha}}

== Articles connèxes ==

* [[Cortes Generales]]

== Ligams extèrnes ==

* {{es}}[http://www.la-moncloa.es/ Presidéncia del Govèrn d'Espanha]
* {{es}}[http://www.culturageneral.net/historiaespana/presidentes.htm Presidents del Govèrn d'Espanha dempuèi 1874]
* {{es}}[http://www.congreso.es Congrès dels Deputats]

[[Categoria:President del Govérn d'Espanha| ]]
[[Categoria:Politica d'Espanha]]