Poncian

Retrach de Poncian dins la Basilica de Sant Pau Fòra lei Muralhas.

Poncian (29 ò 30 d'octòbre de 235) foguèt, segon la tradicion catolica, lo 18^en evesque de Roma de 230 a 235. Succediguèt a Urban I^èr (222-230) e foguèt remplaçat per Antèri (235-236).

Son pontificat es mau conegut en causa de la manca de documents. Organizèt en 231 un sinòdi a Roma per condamnar lei tesas d'Origèn. En revènge, sa posicion a respèct de l'esquisme menat per l'antipapa Ipolit de Roma es desconeguda. En 235, lei dos òmes foguèron arrestats dins lo corrent dei persecucions ordonadas per l'emperaire Maximin I^èr. Son reconciliacion permetèt d'acabar l'esquisme començat après l'eleccion d'Ipolit coma antipapa per sei partisans en 217. Poncian renoncièt a sa foncion lo 28 de setembre e moriguèt a la fin dau mes d'octòbre.