Per Ramsès
 Article de la seria Luòcs egipcians |
| Luòcs |
| Nòmes / Vilas |
| Monuments / Temples |
| Region |
| Bassa Egipte / Mejana Egipte |
| Nauta Egipte / Nubia |
| Localizacion |
Per Ramsès (en egipcian l'"Ostau de Ramsès", tanben coneguda com Pi Ramsès) qu'èra ua vila fondada e bastida peu faraon Ramsès II en Baisha Egipte per estar la soa capitala. Qu'ac demorè durant las XIXau e XXau dinastia. Qu'èra situada près de la vila d'Avaris, l'anciana capitala deus Icsòs (un pòble qui invasí Egipte e bèth i portar lo manejament deus chivaus e que regnè suber la Baisha Egipte deu temps deu segond periòde intermediari) e ciutat d'un culte deu diu Seth (diu de Sethi Ièr, lo pai de Ramsès II, e de la soa XIX dinastia, qui vòu díser "Que soi de Seth"). Avaris que vadó fin finala un barri de Per-Ramsès. Per-Ramsès que s'estava a l'extrèm èst deu dèlta deu Nil e deu país tanben.
La bastida d'aquesta capitala que dè lo parat a Ramsès II de renforçar lo son imatge e lo son culte en bèth apropià's d'Asia, lòc d'objectius militars on lo son pair Sethi Ièr avè ja començat de recrubar lo poder qu'Egipte avèva perdut per'mor de l'aflaquiment devut aus trobles deu periòde amarnian qui Amenòfis IV avèva miat lo país a la division en essajar de cambiar de religion.
Las recèrcas arqueologicas qu'an permés de trovar las restas deu palais de Sethi e de Ramsès, la garnisons de la cavaleria ramessida, lo temple de Seth a Avaris e un temple d'Amòn.
La ciutat que ho abandonada durant la XXIau dinastia. Que's sap que lo braç de Nil qui abeurava la ciutat que s'estarí, estant probablament atau l'encausa de l'abandon deu lòc. Ua partida de las soas pèiras e deus sons monuments que hon emplegats per la ciutat de Tanis. Per-Ramsès que suberviscó dens la tradicion judia e crestiana com la vila nadau de Moïses e lo punt de despartir de l'Exòde. La localizacion totun que'n ho desbrembada dinc a las annadas vint deu sègle XXau. Desempuish las annadas setanta l'Institut Arqueologic Austriac qu'i mia recèrcas arqueologicas gavidadas per l'egiptològ Manfred Bietak suu sit conegut com El-Qantir.
|
Portal Egiptopèdia | Accedissètz dirèctament als articles de Wikipèdia concernent l'Egipte antica :
Istòria | Geografia | Organizacion politica | Faraon | Art | Mitologia | Dius | Vida vidanta | Bibliografia | Egiptològs | Lexic |