Veire la font de Païses Catalans

{{Infobox
|tematica=país
|carta=
}}
{{Dialècte Lengadocian}}
{{omon|Catalonha}}
[[Fichièr:ppcc2007noms2.png|thumb|Mapa dels Païses catalans amb las [[frontièra]]s politicas actualas]]
Los '''Païses Catalans''' (var. '''País Catalans''') (en [[catalan]]: ''Països Catalans'', abreviacion escricha: '''PPCC''') son una sola entitat (per cèrtas personas, una sola [[nacion]]) qu'inclutz totes los territòris ont s'espandís istoricament la [[lenga catalana]]. Dins aquel sens dins d'unas sensibilitats independentistas se sòl emplegar tanben '''Catalonha''' (''Catalunya'' en catalan) per designar aquesta entitat (cal dire pasmens que lo nom [[Catalonha]] comprenguèt pas jamai oficialament las [[Illas Balearas]] nimai lo [[País Valencian]]).
Lor populacion es de {{formatnum:{{popppcc}}}} abitants.<ref>Amb [[L'Alguer]], sens las populacions occitanas d'Aran e Fenolheda. Amb aquelas, {{formatnum:{{popppcctot}}}} abitants.</ref>

Lo 27 de setembre de 2013, lo [[Parlament de Catalonha]] reconeguèt oficialament, amb una granda majoritat, aqueste nom en far a l'encòp una declaracion en favor de l'unitat de la [[catalan|lenga catalana]] aprèp l'aprovacion de la designacion [[LAPAO]] dins la nòva lei lingüistica d'[[Aragon]].
Aqueste nom, dificilament tolerat pels corrents [[espanholisme|supremacistas espanhòls]] e sovent criticat, faguèt l'objècte d'una [[proposicion de lei]] del govèrn balear, governat pel [[Partit Popular]], per declarar que los "Païses Catalans existisson pas".
[[Fichièr:Mapa_comarcal_dels_Països_Catalans.svg|220px|thumb|Mapa de las comarcas (parçans) dels Païses Catalans. Apareisson lo [[Fenolhedés]] e la [[Val d'Aran]] que son occitans.|alt=]]

== Origina del nom ==
Aqueste concèpte apareguèt pel primièr còp a la fin del [[sègle XIX]] e mai tard foguèt popularizat per l'autor [[País Valencian|valencian]] [[Joan Fuster]] dins son libre ''[[Nosaltres els valencians]] '' ([[1962]]).

Lo tèrme ''Païses Catalans'' permet de levar qualques ambigüitats:
* Permet de parlar de totas las tèrras de lenga catalana, mentre que lo tèrme ''[[Catalonha]]'' a un sens variable (pòt designar los "Païses Catalans" al sens larg o ben la region oficiala de "Catalonha" al sens estrech qu'es sonque una part dels Païses Catalans, o lo Principat actual amb [[Catalonha del Nòrd]]).
* Permet d'apasimar las susceptibilitats possiblas de certanas regions, ont lo mond son prèstes a admetre una granda comunitat de lenga catalana, mas sens se subordenar a la region de "Catalonha" al sens estrech.
Per certanas personas, ça que la, lo tèrme "Païses Catalans" es politicament cargat, e tend a èsser estrechament associat a l'[[independentisme]] catalan. Per d'autras personas, al contrari, es un tèrme practic e apolitic.

== Delimitacion ==
Los Païses Catalans comprenon:
* L'ancian ''[[Principat de Catalonha]]'', o lo ''Principat'' o ''"[[Catalonha (region)|Catalonha]]"'' al sens estrech, comportant: 
** L'actuala comunitat autonòma de ''Catalonha'', dins l'estat espanhòl (que tanben se nomma ''Principat'') 
** La [[Catalonha Nòrd]], dins l'estat francés, qu'ocupa quasi tot lo departament dels [[Pirenèus Orientals]].
** La [[Franja de Ponent]] dins la comunitat autonòma d'[[Aragon]], dins l'estat espanhòl ({{formatnum:{{popfranja}}}} abitants).
* Lo principat independent d'[[Andòrra]]. 
* Las [[illas Balearas]], dins l'estat espanhòl.
* l'ancian [[reialme de Valéncia]] o [[País Valencian]] (oficialament [[Comunitat Valenciana]]), dins l'estat espanhòl.
* lo parçan del [[Carxe]], restacat a la comunitat autonòma de Múrcia, dins l'estat espanhòl ({{formatnum:{{popcat|30}}}} abitants).

=== Problèmas de delimitacion ===
----
[[Fichièr:Extensió de la llengua catalana als Països Catalans.png|center|400px]]
'''''Los Païses Catalans segon doas concepcions divergentas:''''' 
* ''En jaune encre: regions catalanofònas
* ''En jaune clar: restacament contestat de parçans occitans al nòrd ([[Val d'Aran]], [[Fenolhedés]]) e de parçans ispanofòns al sud''
----
Una part del movement catalanista considèra que cal inclure dins los "Païses Catalans" de parçans que son pas de lenga catalana, mas qu'apertenon a de regions majoritariament catalanofònas, çò es:
* Dos parçans [[occitan]]s: la [[Val d'Aran]] (region oficiala de Catalonha) e [[Fenolhedés]] (Pirenèus Orientals). Pasmens los abitants d'aqueles parçans se son pas jamai sentits catalans.
* Los parçans periferics de lenga [[espanhòl]]a, a l'oèst e a l'extrèm sud del País Valencian. Es vertat qu'un d'aqueles parçans, lo [[Bas Segura]], a l'entorn d'[[Oriòla]], foguèt catalonofòn fins al sègle XVIII.

Per contra, sovent se considèra que la vila catalanofòna de [[L'Alguer]], enclavada en [[Sardenha]], seriá pas dins los Païses Catalans.

== Simbolisme ==
Los Païses Catalans son de còps mençonats coma lo ''Pi de les tres branques'' (lo pin de las tres brancas, arbre real que jòga un ròtle simbolic dins l'istòria del catalanisme) perque lor territòri compren tres partidas majoralas: lo Principat, lo País Valencian e las Illas Balearas.

Atal, un dicton popular definís los Païses Catalans ''"De [[Salses]] a [[Guardamar del Segura|Guardamar]] e de [[Fraga]] a [[Maon]]" (De Salses a Guardamar i de Fraga a Maó).''

==Nòtas e referéncias==
<references />
== Ligams extèrnes ==
{{commonscat|Category:Catalan Countries}}
* [http://www.filmod.unina.it/aisc/ Associazione italiana di Studi Catalani] 
* [https://web.archive.org/web/20070203232053/http://www.catalogne-nord.com/fr/payscatalans1.htm Los Païses catalans]
* [https://web.archive.org/web/20061129004223/http://personal.auna.com/1277509/mapaplc-com.html Mapa dels Païses catalans]
{{Païses Catalans}}
[[Categoria:Andòrra]]
[[Categoria:Aragon]]
[[Categoria:Catalonha]]
[[Categoria:Catalonha Nòrd]]
[[Categoria:Illas Balearas]]
[[Categoria:Lenga e Cultura catalanas]]
[[Categoria:Politica d'Espanha]]
[[Categoria:Politica francesa]]
[[Categoria:Pirenèus Orientals]]
[[Categoria:País Valencian]]
[[Categoria:Païses Catalans]]