Patagònia
.jpg)
Patagònia es una region geografica qu'engloba los parçans situats pus al sud d'America del Sud. Es situada en Argentina e Chile, compren los Andes a l'oèst e al sud, e de replanats e bassas planas a l'èst. Lo nom de Patagònia ven del mot patagón[1] utilizat per Fernão de Magalhães per descriure las gents nativas que lo mond de son expedicion considerava gaireben coma de gigants. Se pensa uèi que los patagòns èran los tehuelches amb una talha de 1.80 m comparat als 1.55 m de talha mejana dels espanhòls d'aquel temps.[2]
Lo parçan argentin de Patagònia inclutz las províncias de Neuquén, Río Negro, de Chubut e de Santa Cruz, tant coma la porcion èst de l'archipèla de la Tèrra del Fuòc e la part pus al sud de la província de Buenos Aires: Patagones. La region politicoeconomica patagona inclutz la província de La Pampa.[3]
La part chilena de Patagònia compren las províncias e regions de Valdivia, Llanquihue, Aysén e Magallanes, i comprés lo costat oèst de la Tèrra del Fuòc e lo Cap Hòrn, e la província de Palena dins la region de Los Lagos.
Galariá[modificar | Modificar lo còdi]
-
Glacièr Perito Moreno -
Bariloche -
Valdes -
Ushuaia -
Lac Desèrt, amb al fons lo famós pic Chaltén, mai conegut jol nom de Mont Fitz Roy -
Lac Nahuel Huapi, pròche Bariloche, Argentina.
.jpg)
_01.JPG)
.jpg)
Referéncias[modificar | Modificar lo còdi]
- ↑ Antonio Pigafetta, Relazione del primo viaggio intorno al mondo, 1524: Il capitano generale nominò questi popoli Patagoni. Lo mot original èra probablament dins lo portugués mairal de Magalhães (patagão) o dins l'espanhòl dels seus òmes (patagón). Foguèt interpretat pus tard "grand pè" mas l'etimologia fa referéncia a un personatge dins una novèla de la literatura espanhòla de la debuta del sègle XVI.
- ↑ Versiones de la Patagonia. ISBN 950-04-2498-3.
- ↑ Población y Economía (es)
