Palais deu Congrès de la Nacion Argentina
Lo Palais deu Congrès de la Nacion Argentina a Buenos Aires qu'ei l'edifici on e s'amassan lo Senat e la Crampa deus deputats.
La Lei 3.187 deu 20 de noveme de 1894 qu'autorizava lo poder executiu a bastir lo Congrès. Lo 8 de genèr de 1896 un concors internacionau que causí lo projècte de l'arquitècte italian Vittorio Meano.
La bastida, executada per 5 776 745 pesos (lo buget autrejat qu'èra 6 000 000 pesos) per l'enterpresa Pablo Besana y Cía enter agost de 1897 e lo 12 de mai de 1906, dia de la soa inauguracion peu president José Figueroa Alcorta a l'escadença de l'obertura deu son mandat ; a maugrat d'aquesta inauguracion, l'edifici n'èra pas sancerament acabat per aquesta data, puish que certas òbras que's perlonguèn dinc a las annadas quaranta, causant atau qui los envestiments e passin a mei de 31 milions de pesos en paucas annadas, rason per la quau l'edifici hore susnomat lo palais d'aur.
Per'mor de l'assassinat de Vittorio Meano en 1904, l'arquitècte belga Jules Dormal que gavidè la bastida deu congrès dinc a la soa inauguracion.
