Orodes II
|
Orodes II
| |
|---|---|
 | |
| Pèça de moneda d'Orodes II | |
| Biografia | |
| Naissença | ? |
| Decès | 38 abC |
| País: | Empèri Part |
| Epòca: | Antiquitat |
| Règne: | 54-53 a 38 abC |
| Dinastia: | Arsacidas |
| Davancièr: | Mitridates III |
| Successor: | Fraates IV |
Orodes II (mòrt en 38 abC) foguèt lo rei de l'estat part de 54 o 53 abC a sa mòrt, en 38 abC[1]. Succidiguèt a son fraire Mitridates III.
Règne
[modificar | Modificar lo còdi]Orodes es lo filh de Fraates III. Aquest foguèt assassinat per sos dos filhs, Orodes e Mitridates III. Mitridates succediguèt a Fraates, mas lèu deguèt afrontar son fraire per la lucha per lo tròn. Vèrs 54-53 abC, Orodes venciguèt e venguèt lo nòu rei[2].
Lèu, apareguèt un dangièr nòu a l'oèst. Crassus, que partejava lo triumvirat amb Juli Cesar e Pompèu, s'aviá vist atribuir l'Orient del territòri roman. Decidiguèt d'atacar l'Empèri part, esperant una victòria aisida, que poiriá servir son ambicion personal. Crassus coneissiá pas, coma totes los romans, lo biais de combatre dels parts. A Carrhes en 53 abC, sos 40 000 legionaris son chaplats per las cargas dels arquièrs a caval e dels catafractes del general Surena, inferiors en nombre. Crassus es fach presonièr puèi executat[1].
Surena profiechèt pas de son triomfe. Orodes, taïnat, per la glòria de son general, lo faguèt assassinar. Lo benefici de la victòria sus Crassus foguèt feble. Orodes poguèt plaçar Armenia jos son influéncia, mas la lucha contra la noblesa parta, l'empaichèt de persegre la guèrra dins lo territòri roman. Sonque en 51 abC, poguèt envasir la Siria, mas deguèt l'abandonar tre 50[1].
En 40 abC, Orodes s'alièt amb Labienus, un republican roman. Lancèron una ataca dobla. Labienus marchèt en Anatolia, mentre que son filh Pacoros envasiguèt Siria. la contra-ofensiva de Marc Antòni rebutèt Labienus fòra d'Asia Minora. En 38, a la batalha de Gindarus, Labienus e los parts son desfaches. Labienus e Pacoros moriguèron dins lo combat. Un autre filh d'Orodes, Fraates IV venguèt lo successor del rei[3].
Referéncias
[modificar | Modificar lo còdi]- ↑ 1,0 1,1 et 1,2 Dąbrowa 2014, p. 31. Las datas cronologicas son aquelas de Dąbrowa.
- ↑ Dąbrowa 2014, p. 31.
- ↑ Dąbrowa 2014, p. 31-32
Font
[modificar | Modificar lo còdi]- (en) Edward Dąbrowa, 2014, The Parthian Aristocracy: its Social Position and Political Activity, Parthica 15, p. 53-62.
- (en) Marek Jan Olbrycht, 2013, Imperium Parthicum - crisis and revival of the Arsacid state in the first half of the first century AD, Cracòvia, Historia Iagellonica.
- (en) Gholamreza F. Assar, 2006, A Revised Parthian Chronology of the Period 91-55 BC, Parthica, Incontri di Culture Nel Mondo Antico 8, Papers Presented to David Sellwood, p. 55-104, Istituti Editoriali e Poligrafici Internazionali.
- (en) K. Schippmann, 1986, Arsacides II. The Arsacid dynasty, Encyclopaedia Iranica, II/5, p. 525-536, available online at [1] (accessed on 2 May 2020).