Moment cinetic

Lo moment cinetic (ò moment angular) es una grandor fisica utilizada en mecanica classica. Lo moment cinetic d'un ponch materiau M a respècte d'un ponch O es lo moment de la quantitat de movement ${\vec {p}}$ a respècte dau ponch O, es a dire lo produch vectoriau :

${\overrightarrow {L_{\mathrm {O} }}}={\overrightarrow {\mathrm {OM} }}\wedge {\vec {p}}$

Lo moment cinetic d'un sistèma materiau es la soma dei moments cinetics (a respècte d'un meteis ponch O) dei ponchs materiaus que constituïsson lo sistèma :

${\overrightarrow {L_{\mathrm {O} }}}=\sum _{i}{\overrightarrow {\mathrm {OM} _{i}}}\wedge {\vec {p}}_{i}$

Aquela grandor, considerada dins un referenciau galilean, depend de la chausida dau ponch O e es donc pas possible de combinar entre elei de moments cinetics d'originas diferentas. Son unitat es lo kg.m².s^-1. Tèn un ròtle important dins lo cas d'una rotacion car lei calculs liant lo moment cinetic e lei grandors caracteristicas de la rotacion son relativament simples.

Liames intèrnes

• Fisica.
• Mecanica classica.
• Velocitat de rotacion.