Luscinia megarhynchos
Rossinhòl
| Règne | Animalia |
|---|---|
| Embrancament | Chordata |
| Classa | Aves |
| Òrdre | Passeriformes |
| Familha | Muscicapidae |
| Genre | Luscinia |
Luscinia megarhynchos
Brehm, 1831
LC : Preocupacion menora
Lo Rossinhòl filomèl es una espècia d’aucèl de la familha Muscicapidae, qu'es conegut per son cant fòrt melodiós que se pòt ausir de jorn coma de nuèch.
Son abitat es lo bòsc, de preferéncia a proximitat de l'aiga, mas se pòt tanben trobar dins los òrts, los bosquets o verdièrs.
Aspècte
[modificar | Modificar lo còdi]Son envergadura mesura entre 22 e 24 cm per una nautor d'environ 16 cm; pesa de 18 a 27 g. Son plumatge es brun, sas patas son longas.
Alimentacion
[modificar | Modificar lo còdi]Se noirís de baias, d'aranhas o d'insèctes pichons.
Nidificacion
[modificar | Modificar lo còdi]
A lòc de mai a junh. Son nis es pauc ordenat e bas (passa rarament al dessús de 30 cm), o quitament sul sol. La femèla pond 4 o 5 uòus que son blavencs o verdencs, un pauc pigalhats. L'incubacion dura 14 jorns. L'emancipacion dura 11 a 12 jorns e lo vòl seguís pauc aprèp. La primièra nidificacion se passa a la prima seguenta e los rossinhòls filomèls vivon fins a 6 ans.
Migracion
[modificar | Modificar lo còdi]En setembre, migra vèrs l'Africa subsaariana en passant per l'estrech de Gibartar o per d'endreches ont l'espandida maritima es pas importanta.
Simbòls
[modificar | Modificar lo còdi]Dins las tradicions popularas, lo rossinhòl anóncia la prima, es l'ausèl del mes de mai, mas es tanben e sustot lo simbòl de l'amor. Lo comtat de Niça a conservat son Rossinhòl que vòla dins los cants tradicionals e las ròndas de mai, que lor tèma a inspirat Chaikovskii per son Humoresque opus 10-2.
