Panthera spelaea vereshchagini
_-_Mauricio_Ant%C3%B3n.jpg)
Eth Leon de Beringia se desseparèc deth Leon des Baumes auroasiatic hè 100.000 ans en tot crotzar er estret de Bering. Desapareishèc hè 10.000 annades.
capEth Leon de Beringia ère ua sosespècie mès petita deth Leon des Baumes (Panthera spelaea) que demorèc en er Artic siberian e nòrd-american pendent eth darrèr periode glaciar.
Descripcion
[modificar | Modificar lo còdi]Era diferència demest eth leon de Beringia e es autes sosespècies de Panthera spelaea siguec ja confermada per B. Kurteh en 1985. Dempús siguec descrit en 2001 per Baryshnikov e Boeskorov jos eth nom de Panthera spelaea vereschagini (tà aunorar Vereschagin, un paleontològ de felids).
Es rèstes tipe son dus crans: Y61 3190/1 e Y61-639 7 e sigueren trapats ath long der arriu Kolyma (Iakutia). Eth dusau cran siguec datat damb radiocarboni damb ua edat de 36.000 annades.
Aguesta sosespècie à coma caracteristiques ua longada deth cran mès gran ( demest 300 e 310 mm) mentres qu'es leons trapats en eth Rancho La brea an 350 mm (Sotnikova e Nikolsky, 2007 ) (Merriam e Stock, 1932). Totun, qu'era maishèra trapada en Alaska ei enqüera mès longa qu'açò (Whitmore e Foster, 1967).
Classament
[modificar | Modificar lo còdi]Aué s'à confermat qu'eth leon des baumes euroasiatic demorava en Alaska e en Yukon pendent eth pleistocèn superior (Harington, 1969, Vereschagin, 1971) (Kurten, 1985, Baryschinov e Boeskorov, 2001, Sotnikova e Nikolskiy, 2007). Era forma americana s'ère desvolopada en tot crotzar Canadà hè 100.000 annades.
Segontes estudis moders, eth leon des baumes (Panthera spelaea, Goldfuss) se desseparèc deth leon actual (Panthera leo, Linnaeus) quan arribèc a Euròpa. Era espècie demorèc aislada e mès adaptada a un climat heired e pr'açò ère tan e tan gran. Apareish en Euròpa pendent eth pleistocèn miei (especimèns trapats en Mosbach per Schutt en 1969 e Isernia La Pineta per Sala en 1990). S'ecantiguèc hè 10.000 annades, pendent era fin deth pleistocèn superior. Un estudi conferma que, segontes er ADN de plan de fossils europèus, eth leon des baumes se desseparèc deth leon actual pas lèu.
Era majoritat des autors moderns arreconèishen diverses espècies e quauqu'ns enquiath classen coma Panthera leo. D'autes díden qu'èren dus espècies disparières. Mès sembla qu'èren era madeisha espècie damb diverses sosespècies:
· Panthera spelaea fossilis: forma primitiva des leons actuals en Euròpa e plan gran (Reichenau, 1906).
· Panthera spelaea spelaea: ua forma qu'ère mès petita e que demorava en Euròpa e Russia (Goldfuss, 1810).
· Panthera spelaea vereschagini: ua forma petita que demorèc en Siberia der èst, Alaska e Yukon (Baryschnikov e Boeskorov, 2001).
· Panthera spelaea atrox: ua forma parièra a Panthera spelaea fossilis que demorèc en Estats Units e Mexic (Leidy, 1853).
Es despulhes momificades de bisont des estèpes (Bison priscus, Bojanus, 1827) an estat trapades en 1979 en Fairbanks Creek (Alaska) e datades damb radiocarbon en 31.000 annades. Sembla que siguec tuat per leons. Era sua pèth à diverses nhacades caracteristiques de grans felins. Ua dent siguec trapada laguens era pèth der animal (Guthrie, 1990).
Quaques pintrures dera Bauma de Chauvet (hè 31.000 ans) mostren scenes de caça de leons e bisonts e açò hè pensar qu'un ère eth caçaire e er aute era victima.
Referències
[modificar | Modificar lo còdi]· Lion de Béringie, sur Wikimedia Commons Lion de Béringie, sur Wikispecies Baryshnikov & Boeskorov 2001 : The Pleistocene cave lion, Panthera spelaea (Carnivora, Felidae) from Yakutia, Russia. Cranium 18-1 pp 7-24.
· B. Kurtén (1985). The Pleistocene lion of Beringia.
· J. Burger, W. Rosendahl, O. Loreille, H. Hemmer, T. Eriksson, A. Götherström, J. Hiller, M. J. Collins, T. Wess and K. W. Alt (2004). Molecular phylogeny of the extinct cave lion, Panthera leo spelaea.
· M. Sotnikova and P. Nikolskiy (2007). Systematic position of the cave lion, Panthera spelaea (Goldfuss) based on cranial and dental characters. J. C. Merriam and C. Stock (1932). The Felidae of Rancho La Brea.
· F. C. Whitmore and H. L. Foster (1967). Panthera atrox (Mammalia : Felidae) from Central Alaska.
· D. Guthrie and M. L. Guthrie (1990). Death on the steppe - the case of the frozen bison: When an Alaskan gold miner spotted the hooves of an ancient beast, little did he realise what treasure he had unearthed. Blue Babe, the mummy of a Pleistocene bison has brought Alaska's prehistory back to life.