Lac de Garda
| Lac de Garda | ||
 |
||
| Administracion | ||
| País |  Itàlia
|
|
|---|---|---|
| Geografia | ||
| Coordenadas | 45° 37′ 53,76″ N, 10° 39′ 37,86″ E | |
| Tipe | glaciari | |
| Superfícia | 368 km2 |
|
modificar  |
||
Lo lac de Garda o Benaco (Lach de Garda en lombard e trentin; Łago de Garda en venèt), es lo pus grand lac italian, d'una superfícia d'aperaquí 370 km² (tresen en prigondor après Come e Maggiore). Carnièra entre tres regions, Lombardia (província de Brescia), Venèt (província de Verona), e Trentin e Naut Adige (província de Trent), es situat parallèlament amb Adige, del qual es desseparat pel massís del Monte Baldo. Al nòrd, estreit e en forma d'embut mentre qu'al sud s'alarga, enrodat de còlas morenicas que balhan un paisatge pus suau. Lo lac es una destinacion toristica importanta e es visitat per milions de personas cada an.
Geografia
[modificar | Modificar lo còdi]
La superfícia del lac de Garda es de 369,98 km2, sa longor maximala de 51,6 km e sa pus granda largor de 17,2 km, per un perimètre de 158,4 km. Sa prigondor maximala es de 346 m, e l'altitud del plan d'aiga de 65 m al dessús del nivèl de la mar. La partida septentrionala del lac es longa e estreita, e enrodada de montanhas, principalament las del Monte Baldo. Sa forma es la caracteristica d'un val fluviala : òm estima qu'aquesta partida del lac foguèt creada per l'accion de Sarca, principal afluent contributor del lac. La partida meridionala, pus larga, es deguda al movement d'un glacièr neozoïc, que formèt tanben dins los environs nombrosas còlas morenicas. L'emissari del lac es Mincio, afluent de Pò.
Tradicionalament, los italians distinguisson doas zonas : lo « Naut-lac » (Alto Lago) al nòrd, un estreit corredor alongat entre dos bauces e lo « Lac Bas » (Basso Lago), de las ribas men escalabrosas al sud d'una linha Gardone Riviera / Torri del Benaco. En estiu, la zona de l'Alto Lago es balajat durant de la jornada per de vents termics regulars e poderoses (de direccion opausadas durant la jornada) que se succedisson en una mecanica ben reglada : L'Orà et lo Peler.