Lac Huron
Lo lac Huron es separat del lac Michigan per l'estrech de Mackinac; ambedoas superfícia avent la mèsme altitud constituisson donc idrologicament una meteissa espandida d'aiga. Lo lac Superior s'auça a près de 7 mètres de mai; s'escampa pel riu Santa Maria dins lo lac Huron. Aquel darrièr s'espampa enseguida dins lo riu Santa Clara entre Pòrt Huron (Michigan) e Sarnia (Ontario); aquel riu passa lo lac Santa Clara e desemboca pel riu Detroit dins lo lac Erie, e tanben pel lac Ontàrio e lo fluvi Sant Laurenç fins a l'ocean Atlantic.
Lo lac es a 176 mètres d'altitud e sa prigondor maxim es de 230 mètres. S'espandís sus 59 600 km2 e conten 3 538 km3 d'aiga[1]. Fa frontièra a l'èst amb Ontàrio (Canadà) e a l'oèst amb Michigan (Estats Units d'America).
Coma los autres Grands Lacs, foguèt format per la fonda de la glaça pendent laretirada dels glacièrs continental[2].
Una de las illas mai granda, l'illa Manitoulin, es l'illa mai granda al au mond dins un lac. Ela meteissa compren lo lac Manitou, mai grand lac al mond se trapan sus una illa dins un lac.
Lo lac recep tanben las aigas del Riu Au Sable (Michigan).
Istòria
[modificar | Modificar lo còdi]Son etimologia es ligada a sa descobèrta pels caçaire de salvatgina e canadencs franceses que ne percorrián las ribas al sègle XVI. Lo lac èra alara nomenat « La Mer Douce », es a dire d'aiga doça e non d'aiga salgada coma totas las mars. Los amerindians l'avián nomenat « Karegnondi »[3].
Mai tard prenguèt lo nom de « lac dels Hurons » a l'epòca de la Nòva França e de la Loisiana francesa. Ara, se nomena simplament lac Huron.
Pendent la Guèrra d'Independéncia dels Estats Units d'America, l'illa Mackinac foguèt un luòc de batalhas entre los britanics e los Estats Units per la possession de l'illa. Èra un enjòc màger pel contraròtle dels Grands Lacs e del comerci de las pèls dins la region.
