Hortalesa de Buenos Aires
La hortalessa de Buenos Aires que ho ua plaça hòrta bastida dens aquesta ciutat au ras de l'arriu de la Plata (qui, alavetz, la soa arribèra b'èra hèra pròcha de l'actuau plaça de Mayo) sus l'emplaçament exacte de l'Ostau Arroset. Que ho la set de l'autoritat de la Vicereiautat de l'Arriu de la Plata, puish deus govèrns argentin l'exepcion deu regim de Juan Manuel de Rosas (qui governava desempuish lo son ostau, dens l'actuau parc de Palermo).
Que ho tanben aquesta hortalessa lo lòc on e s'acesè William Carr Beresford dab la soa armada durant las invasions anglesas e tanben lo lòc d'on e's rendó.
La hortalessa, abandonada durant lo regim de Rosas e justjada vielha dens ua ciutat en plena modernizacion, que ho destrusida devath la presidéncia de Julio Argentino Roca. Quauquas restas arqueologicas e los sons sosterrenhs que hèn uei partida deu musèu de l'Ostau Arroset.
La hortalessa, iniciada peu vicerei Fernando de Zárate en 1595, que ho bastida e tornada bastir mantuns còp durant la vicereiautat. De cap a la debuta deu sègle XIX qu'èra entornejada d'un varat e provesida d'un pont levadís.
