Veire la font de Hont Q

<!--Article redigit en gascon-->
La '''Hont''' (var. '''Hònt''', '''Font''', '''Fònt''') '''Q''' o abreujadament '''Q''' (''Q'', l'iniciau de l'[[alemand]] ''Quelle'' valent a díser '[[hont]]') qu'ei un document [[ipotèsi|ipotetic]], per'mor ne'n an pas jamei trobat nat [[pergamin]] ni nada referéncia, datat deu miei deu sègle I{{èr}}, l'existéncia teorica deu quau estó senhalada dens la dusau meitat deu [[sègle XIX]]{{au}} per quauques exegètas alemands deu Navèth Testament qui credón trobar aquí l'origina deus elements comuns deus evangèlis de Matèu e de Luc absents en çò de Marc. Qu'arrecuelh paraulas de [[saviesa|sapiença]] ([[provèrbi|arreproèrs]], maximas, precèptes, senténcias [[morala|moraus]] e racontes tradicionaus) e profecias. Los tribalhs de critica textuau qu'indican los ''logia'' sapienciaus que's restacan a la purmèra fasa de redaccion de Q mentre qui los elements apocaliptics e pareishen posteriors.

===Contienguts deus evangèlis de Matèu e Luc qui serén gessits de Q===
*Las Beatituds (Mt 5 3-12 e Lc 6 20-26)
*{{Cita|Amatz los vòstes enemics}} (Mt 5 43-48 e Lc 6 27-36)
*Règla d'aur (Mt 7 12 e Lc 6 31, Lc 10 25-28)
*Parabòla de la palha e lo piterau (Mt 7 1-6 e Lc 6 37-42)
*Parabòla de l'arbo e los sons fruts (Mt 7 15–20 e Lc 6 43-44)
*Parabòla de l'ostau bastit sus l'arròca (Mt 7 24–27 e Lc 6 47-49)
*Parabòla de l'aulha hòraviada (Mt 18 12-14 e Lc 15 3-7)
*Parabòla de la taulejada nupciau (Mt 22 1-14 e Lc 14 15-24)
*Parabòla deus talents (Mt 25 14-30 e Lc 19 12-27)
*Parabòla deu lhevami (Mt 13 33 e Lc 13 20-21)
*{{Cita|L'òrb qui mia l'òrb}} (Mc 7 14-23, Mt 15 14 e Lc 6 39)
*{{Cita|[[Paire nòstre|Pair noste]]}} (Mt 6 9-13 e Lc 11 2-4)
*Parabòla deus ausèths e deus liris deus camps (Mt 6 25-31 e Lc 12 22-31)

[[Categoria:Novèl Testament]]