Fòrças armadas de França

Un article de Wikipèdia, l'enciclopèdia liura.

Lei Fòrças armadas de França, sovent dicha l'Armada francesa en lengatge corrent, constituïsson la poténcia militara de la Republica francesa encargada de la defensa de la populacion, dau territòri e deis interès nacionaus de França. Comprenon principalament lei comandaments e lors estats-majors, lei tres armadas que son l'armada de tèrra, l'armada de l'aire e la marina nacionala, ensin que lei servicis de sostèn e leis organismes interarmadas.

La gendarmariá nacionala es restacada au ministèri de l'interior despuei una lèi de 2009. Lo tèxte la descrich coma « una força armada instituïda per velhar a la seguritat publica » mai estipular son « restacament organic e operationau » au ministèri de l'interior alora qu'aperavans era pas plaçada sota son autoritat que « per usatge ». Lo tèxte preserva pasmens lei grandas espeficitats militaras d'estatut de gendarma. Quauquei unitadas especialisadas apartenon pasmens de manièra permanenta au ministèri de la Defensa.

Despuei la suspension dau servici nacionau per totei lei francés que son nascuts après lo 31 de desembre de 1978, l'Aramada francesa es venguda una armada de mestier compausada de militaris d'activa professionaus, de militaris reservistas (ancians militaris dau servici actiu o volontaris originari dau civil) e de civils.

Sus la basa dei budgets de defensa en valor absoluda, lei fòrças armadas francesa se situan au tresen reng en Euròpa, darrier Russia e lo Reiaume Unit. Aquestei tres Estats son tamben lei solets en Euròpa a possedir una fòrça de dissuasion nucleara.