Fèrre meteoritic
Lo fèrre meteoritic es un metau, principalament compausat de fèrre e de niquèl, qu'es present dins lei meteorits. Es una fònt importanta de fèrre a l'estat natiu a la superficia de la Tèrra. Per aquela rason, foguèt utilizat tre la Preïstòria per fabricar d'otís e d'objèctes. Aquel usatge foguèt pus frequent dins lei regions deserticas e polaras onte la cèrca de meteorits es pus aisada. En particular, foguèt fòrça utilizat per leis Inuits d'America dau Nòrd e per lei Nama de Namibia. Se fau nòtar que lei proprietats mecanicas d'aqueu metau foguèron superioras a aquelei de la màger part deis aciers produchs avans la Revolucion Industriala. Uei, lo fèrre meteoritic es utilizat per la fabricacion de joièus de luxe.