Blat tendre

Un article de Wikipèdia, l'enciclopèdia liura.
(Redirigit dempuèi Froment)

Lo blat tendre (Triticum aestivum L. subsp. aestivum), tanben nomenat froment, es l'espècia de blat uèi la mai cultivada[1], subretot en França[2].

Istòria[modificar | Modificar lo còdi]

Lo filosòf peripatetician Teofrast explicava dins son obratge Istòria de las plantas[3] que lo froment de las contradas de la mar Negra aviá la reputacion de suprtat melhor lo transpòrt, e de se conservar mai de temps que tot autre.

Reparticion geografica[modificar | Modificar lo còdi]

Es mai cultivat cultivat dins las latitudas nautas (per exemple en França, al Canadà, en Ucraïna), mas tanben se trapa dins unes païses del Sud amb de varietats mai resistentas a la secada (per exemple al Marròc.

Descripcion[modificar | Modificar lo còdi]

Una sosvarietat d'aquel tipe de blat es l'espelta.

La primièra ibridacion se seriá realizada fa 500 000 ans. Lo crosament de doas cerealas, Triticum monococcum e Aegilops speltoides, donèt un ibrid Triticum turgidum, lo primièr blat. Los genòmas de las doas cereales se mostrèron foncionals dins lo nuclèu de l'ibrid, que demorèt fertil.

Fa 10 000 ans, l'ibrid se seriá crosat amb una cereala Aegilops tauschii per donar lo blat tendre Triticum aestivum que possedís alara tres genòmas diferents dins son nuclèu.

Usatges[modificar | Modificar lo còdi]

Es fòrça utilizat per l'alimencion del bestial, e a vegada pels caçaires per l'agranatge de la cacilha. Tan equilibrat en aminoacids que lo milh, es fòrça apreciat e noirissent per fòrça espècias. Dins unes païses, en periòde de secada, de blat subvencionat destinat a l'alimentacion umana se pòt desviar cap a l'alimentacion del bestila, quand aquel manca de noiritura[4].

Es tanben utlizat per produire la farina panificabla utilizada per la fabricacion del pan, de pastisseriás e autres aliments.

Es tanben utilizat per la fabricacion des bièrras blancas.

Culturas[modificar | Modificar lo còdi]

Dempuèi longtemps cultivat sus de sols laurats pel contraròtle de las adventiças e de certa espècias indesirablas (caragòls, limacs), puèi cultivat amb una quantitat creissenta d'engrais e de pesticids, fa localament l'objècte d'una tecnica culturala simplificada (semenadas dirèctas...) per aparar melhor los sols que son degradats par les lauras repetidas (erosion, destructuracion, pèrda de carbòni e de matèria organica, ruscatge dels nutriments, aparéisson d'una sòla de laura, etc.).

Diversitat (genetica, intravarietala, etc.)[modificar | Modificar lo còdi]

Per respondre als besonhs d'una agricultura sostenabla, e per tornar a d'agrosistèmas mai resilient fàcia als cambiaments globals, la diversitat genetica de las espècias agricòlas ven un enjòc màger[5].

La literatura scientifica dona que lo blat faguèt sa primièra pèrda màger e istorica de diversitat genetica pendent sa domesticacion[6] (reduction de 69 % de la diversitat entre las formas salvatjas tetraploïdas (Triticum dicoccoides) e l’espècia blat tendre exaploïda (Triticum aestivum) que n'es eissit[7],[8], puèi l'agrodiversitat (coma la genetica) del blat tendre seriá encara mai artificiala e apaurida al sègle XX amb l'aparéisson dels seleccionaires, lo desvelopament de la racionalizacion. Existissiá encora al començament del sègle XX de varietats localas mas aurián desaperegudas a la mitat del meteis sègle[9], al benefici de las varietats desvolopadas puèi vendudas pels seleccionaires[10].

Pasmens fa unes ans, de païsans tornan seleccionar de blats ancians, culhits per tota la planèta.

Autres blats tendres[modificar | Modificar lo còdi]

Blat Olianovska[modificar | Modificar lo còdi]

Lo blat Olianovska (triticum aestivum) es un blat ros barbut originari de la region d'Olianovsk en Russia importat en França al sègle XIX.

Es un blat que conven a totas las tèrras mejanas o mediòcres a condicion que sián sainas, provesidas de calcari e de clima puslèu sec.

Las varietats Blé de Noé o Red Fife del Canadà vendriá de varietats seleccionadas de semenças païsanas importadas d'Ucraïna a partir del sègle XVIII.

Blat de l'Òlt[modificar | Modificar lo còdi]

Lo blat de l'Òlt, es un blt de país, es blanc, non barbut e cultivat en Aquitània.

Blat Rosselin[modificar | Modificar lo còdi]

Lo blat Rosselin (triticum sativum) es un blat roge sens barba que paréis al blat roge de Bordèu.

Aquela varietat li va plan los sols un pauc cauds e calcaris, es cultivada en Occitània.

Nòtas e referéncias[modificar | Modificar lo còdi]

  1. Source : Statistiques FAO, consulté 28-03-2011
  2. AGPB, [www.agpb.fr/fr/chiffre/recolte_france.asp Chiffres de récolte pour la France], consulté le 10-11-2010
  3. Livre VII
  4. Presse-dz (Le portail de la presse algérienne, Détournement du blé tendre subventionné fraudeurs, gare à vous !, consulté 2012-02-22
  5. Goffaux R, Goldringer I, Bonneuil C, Montalent P & Bonnin I (2011), Quels indicateurs pour suivre la diversité génétique des plantes cultivées ?
  6. van de Wouw, M., Kik, C., van Hintum, T., van Treuren, R., et Visser, B. (2009), Genetic erosion in crops : concept, research, results and challenges.
  7. Reif, J.C., Zhang, P., Dreisigacker, S., Warburton, M.L., van Ginkel, M., Hoisington, D., Bohn, M., et Melchinger, A.E. (2005), Wheat genetic diversity trends during domestication and breeding.
  8. Haudry, A., Cenci, A., Ravel, C., Bataillon, T., Brunel, D., Poncet, C., Hochu, I., Poirier, S., Santoni, S., Glémin, S., et David, J. (2007), Grinding-up wheat: a massive loss of nucleotide diversity since domestication.
  9. Marchenay, P. (1987), À la recherche des variétés locales de plantes cultivées.
  10. Bonneuil, C. et Thomas, F. (2009), Gènes, pouvoirs et profits.

Vejatz tanben[modificar | Modificar lo còdi]

Bibliografia[modificar | Modificar lo còdi]

  • Goffaux R, Goldringer I, Bonneuil C, Montalent P & Bonnin I (2011), Quels indicateurs pour suivre la diversité génétique des plantes cultivées ?Le cas du blé tendre cultivé en France depuis un siècle. Rapport FRB, Série Expertise et synthèse, 2011, 44 pages
  • Hamon, C. (2007), Mise en place d’un indicateur de diversité cultivée à l’échelle territoriale : Cas de l’évolution de la diversité du blé tendre au cours du XXème siècle. Mémoire de fin d’études pour l’obtention du diplôme d’agronomie approfondie, Spécialité génie de l’environnement, Option systèmes de production développement rural. Agrocampus Rennes, INH Angers
  • Balfourier, F., Ravel, C., Bochard, A-M., Exbrayat-Vinson, F., Boutet, G., Sourdille, P., Dufour, P. et Charmet, G., (2006), Développement, utilisation et comparaison de différents types de marqueurs pour étudier la diversité parmi une collection de blé tendre. Les Actes du BRG, 6, 129-144.