Veire la font de Fraissinet (Provença)

'''Fraissinet''' (''Fraxinetum'' en [[latin]], en [[arabi]] فرخشنيط o ''Farakhshanit'') foguèt un comptador [[Sarrasins (pòble)|sarrasin]] del [[sègle X]] dins lo golf de [[Sant Tropetz]]<ref>Philippe Sénac, ''Musulmans et Sarrasins dans le sud de la Gaule du {{sp-|VIII|au|XI}}'', Sycomore, 1980, {{p.|47}}, et « Les Musulmans en Provence au {{s-|X}} » dans ''Histoire de l'Islam et des musulmans en France du Moyen Âge à nos jours'', Albin Michel, 2006, {{p.|26}}</ref>, en [[Provença]]. Lo territòri de la ciutat dels limits mal definits (benlèu la comuna actuala de [[La Gàrdia Frainet]]), foguèt conquistat per de marins venguts d'[[Al Andalós]] vèrs [[890]] e représ per lo comte de Provença [[Guilhèm Ièr de Provença|Guilhèm Ièr]] (escaissat puèi "lo Liberator") en [[973]] après la [[batalha de Tortor]]<ref name="1.">{{Article|langue=|auteur1=|titre=Nos ancêtres Sarrasins|périodique=Inrap - Archéologie préventive|date=2014|issn=|lire en ligne=http://multimedia.inrap.fr/archeologie-preventive/Ressources/Webdocumentaire/p-19331-Nos-ancetres-Sarrasins.htm|consulté le=2017-01-09|pages=}}</ref>.

Vèrs [[889]], un naviri musulman, probablament venent de [[Pechina|Bajjana]] en [[Al Andalós]], acostèt dins lo golf de Sant Tropetz e s'i establiguèt.  Inicialament un simple establiment [[pirata]] per pilhar la region, se desvolopèt puèi amb l'arribada de fòrça musulmans per venir un vertadièr centre comercial e [[Militarisme|militar]], associat a las [[Illas Balearas|Balearas]], qu'arribèt a dominar qualques 60 [[Quilomètre|km]], cobrissent tot lo [[Massís dei Mauras|Massís dels Mauras]] e la [[Camarga]]. Son cap foguèt reconegut coma [[emir]] dependent de l'emir (après [[califat]]) de l'Al Andalós.

Dempuèi Fraissinet los [[Sarrasins (pòble)|sarrasins]] fasián d'incursions cap a d'autres luòcs e arribèron fins al [[Piemont]] en [[Itàlia]] e contrarotlèron los passatges e de còls dels [[Alps]].  Una posicion avançada s'establiguèt al pas de Sant Bernat près de l'actual [[Saint-Maurice]] (dins lo [[Canton de Valés|Valés]]) en [[Soïssa]].

La primièra contra-ofensiva [[Crestiantat|crestiana]] s'organizèt en [[942]] menada pel [[rei]] [[Uc d'Arle]] que amb l'ajuda de [[Berenguièr II d'Itàlia]] e [[Roman Lecapen]]  destrusiguèt la flòta sarrasina, mas Uc signèt un acòrdi amb los musulmans que recebèron la comanda de defendre los passatges dels Alps per compte de [[França]].  Foguèt segurament a aqueste moment que de grops musulmans s'establiguèron dins la val de l'Arc en Mauriena, e a [[Faucigny]] en Tarentèsa.  Vèrs [[944]] l'emir de Fraissinet, Kalra, foguèt recebut per son superior d'Al Andalós, lo califa [[Abd al-Rahman III]].

En [[956]], l'emperaire [[Oton III]] del [[Sant Empèri Roman Germanic|Sant Empèri]] envièt Joan de Gorze coma ambaissador pendent dos ans a la cort del [[Califat de Còrdoa|califa de Còrdoa]], per demandar l'arrèst de las incursions musulmanas dempuèi Fraissinet.  En [[972]], los musulmans faguèron una famosa incursion ont sequestrèron l'abat [[Maiol de Clunhic]], legat del [[Papa]] e amic pròche de l'emperairitz  Adelaïda. Foguèt pagat lo rescat, mas s'organizèt en seguida una expedicion punitiva e en [[973]] foguèron derrotats per [[Guilhèm Ièr de Provença]] e divèrses senhors locals a la [[batalha de Tortor]] en [[973]] e durant los meses seguents seràn anequilats.  Fòrça sarrasins moriguèron mas qualqu'uns demorèron encara dins la region fins qu'al cap d'unes sègles foguèsson absorbits per la populacion provençala.

== Referéncias ==
<references responsive="" group=""></references>
{{Clr}}
{{Portal Provença}}
[[Categoria:Provença medievala]]
[[Categoria:Istòria de l'Islam]]