Stanisław Konarski
| Stanisław Konarski, Sch.P. | |
|---|---|
  | |
| Biografia | |
| Naissença | 30 de setembre de 1700 Żarczyce Duże, Confederacion Polonolituana |
| Mòrt | 3 d'agost de 1773 Varsòvia, Confederacion Polonolituana |
| Activitat | |
| Ocupacion | Clergue, dramaturg, poèta |
Stanisław Konarski, Sch. P. (en polonés: Stanisław Konarski; son nom vertadièr èra Hieronim Franciszek Konarski; Żarczyce, 30 de setembre de 1700 – Varsòvia, 3 d'agost de 1773) èra un pedagòg, teorician de l'educacion, escrivan politic, poèta, dramaturg, e monje polonés. Es rentengut coma lo principal precursor de l'Illustracion dins la Confederacion Polonolituana.
De 1725 a 1727, Konarski estudièt al Collegium Nazarenum de Roma, ont venguèt professor de retorica. Après, viatgèt en França, Alemanha e Àustria. En 1730, tornèt en Polonha e comencèt un trabalh sus un recuèlh novèl de la legislacion polonesa (Volumina legum).
En 1736, Konarski èra mèstre al Collegium Resoviense de Rzeszów. En 1740, fondèt lo Collegium Nobilium, una escòla elitista de Varsòvia per enfants de las personas d'aristocracia polonesa (szlachta). D'arrèu, reformèt las Escòlas Pías en Polonha, d'acòrd ambé son programa educatiu (Ordinationes Visitationis Apostolicae..., 1755). Sas reformas foguèron un punt important dins la luta del sègle XVIII per modernizar lo sistema educatiu polonés.
Al començament, Konarski èra associat politicament ambe lo rei Stanisław Leszczynski; pus tard, se liguèt a la "Familha" de Czartoryski e lo rei Stanisław II Poniatowski, participant als notables "sopars de dijòus". Estanislau II Poniatowski faguèt batre una moneda en l'onor de Konarski, ambé son efigia e l'inscripcion latina Sapere auso.