Viòla de gamba

Posicion deu jogaire de viòla de gamba gahant l'arquet dab la pauma de la man virada de cap a sòu

Las viòlas de gamba que contitueishen dab la familha deu vriolon l'auta grana familha d'instrument de musica de còrdas hregadas. Que s'opausan a la lira da braccio (ajòu deu vriolon e de la soa familha) per la posicion verticau de l'instrument quan òm ne joga.

La familha de la viòla de gamba qu'ostenda totas las tessituras desempuish lo sopranino dinc a la contrabassa

Enter las caracteristicas qui caracterizan la viòlas de gamba e qui la desseparan de la familha deu vriolon que podem mentàver :

• Lo nombre mei elevet de cordas (generaument sheis) que dens los cas de familha de vriolon
• Lo hons plat dab un angle au som
• Lo biais de gahar l' arquet
• Los horats (generaument en forma de "C" mentre qui la familha deu vriolon be'u a en forma d'"F")
• La preséncia de fretas (ligams qui delimitan los espacis on e premen los dits suber la toca)

Que cau soslinhar que la contrabassa de la familha deu vriolon que pertatja las tres purmèras caracteristicas de la viòla de gamba mentavudas aquiu (que's pòt jogar dab duas mena d'arquets, un deus dus gahat com un arquet de viòla de gamba) ; que donc un instrument tanhent de las duas familhas.

Deu medish biais, la viòla d'amor qui ostenda ua frma pròcha de la de la viòla de gamba que's jòga suu bras com un vriolon e en gahant l'arquet d'un biais similar au deu vriolon, pertanhent atau a la duas familhas.

Las familhas deu vriulon e de las viòlas de gamba que son los hruts de duas evolucion diferentas e contemporanencas : cap de las duas b'ei mei anciana que l'aute (a maugrat qui la purmèra be 's hosse impausada suber la dusau).