Linfocit T

Lei limfocits T ò cellulas T son un ensems de cellulas blancas que fan partida dau sistèma immunitari especific cellular. Son caracterizats per lo marcaire cellular CD3. Divèrsei tipes diferents de limfocits T cargats de pretzfachs diferentas existisson.

Après activacion, lei limfocits T ninòis se diferencian entre unei tipes diferents que son lei limfocits T citoxics (ò T tuaires), T auxiliars, T regulators e NKT. Lei doas premierei classas forman la màger part dei limfocits T. Lei limfocits citoxics son caracterizats per un marcaire CD4 e son cargats de l'eliminacion dirècta dei cellulas infectadas ò tumoralas gràcias a de secrecions de moleculas que pòdon passar la membrana cellulara per entraïnar l'apoptòsi ò la necròsi. Lei limfocits auxiliars son caracterizats per un marcaire CD8 e permeton la secrecion de substàncias permetent d'entraïnar lo mecanisme d'inflamacion e l'activacion dei limfocits B. Lei limfocits T regulators son rars e permeton de limitar l'expansion deis autrei tipes de limfocits T. Enfin, lei limfocits NKT son un tipe fòrça rar qu'es encara mau conegut que tèn de marcaires de limfocits T e NK.

Liames intèrnes

• Sistèma immunitari.