Avenc d'Armand

L'Avenc Armand se tròba en Roergue, dins la comuna d'Ura e la Parada, entre Maruèis e Santa Enimia. Embarra un bòsc d'estalagmitas.

Pòrta lo nom de son descobreire, Loís Armand, faure al Rosièr, que i davalèt lo primièr lo 19 de setembre de 1897.

Descripcion

La sala principala, que son sòl se situa a - 100 m de la superfícia, a una longor de 110 m, una largor de 60 m e una nautor mejana de 45 m. Abriga un bòsc de pus de 400 estalagmitas, qu'una de 30 m de naut, la màger coneguda dins lo mond.

Après èsser preparada per las visitas foguèt dobèrta al public l'11 de junh de 1927 de mercé lo pertusatge d'un tunèl de 208 m de long, en penda lena, equipat de lòcas. Uèi, un funicular permet de davalar dins la balma.